«Apple» 300 долларлик «Mac Neo» компьютерини ишлаб чиқаради
«Apple» компанияси кундалик вазифалар ва ўқиш учун мўлжалланган, нархи тахминан 300 доллар бўлган ҳамёнбоп «Mac Neo» компьютерини ишлаб чиқармоқда. Янги қурилма «iPhone 17 Pro» смартфонининг «A19 Pro» чипи ва 12 ГБ тезкор хотира билан жиҳозланиши ҳамда ташқи кўринишидан «Apple TV» приставкасидек ихчам бўлиши кутилмоқда. Мазкур модел асосан интернетда ишлаш ва ҳужжатлар билан банд бўлган фойдаланувчилар учун энг арзон ва қулай ечимга айланиши прогноз қилинмоқда. Мутахассисларнинг фикрича, бундай паст нархга ишлаб чиқаришда мобил процессорлардан фойдаланиш ҳисобига эришилади.
"Apple" компанияси компьютерлар бозорида инқилоб қилиши кутилаётган ҳамёнбоп "Маc Нео" моделини тайёрламоқда. "Macbook Нео" ноутбукларининг муваффақиятли савдосидан сўнг, корпорация стационар қурилмаларнинг энг арзон талқинини яратишга киришди. Янги компютернинг нархи тахминан 300 доллар атрофида бўлиши кутилмоқда. Бу ҳақда Computerra.ru хабар беради.
Инсайдерларнинг маълумотларига кўра, янги қурилма кундалик базавий вазифаларни бажариш учун мўлжалланган энг қулай ечимга айланади. Қурилманинг асосий техник хусусияти сифатида унда мобил процессордан фойдаланилиши кўрсатилмоқда. Катта эҳтимол билан, компьютер "iPhone 17 Pro" смартфонларида қўлланиладиган "A19 Pro" чипи билан жиҳозланади. Шунингдек, у 12 GB гача тезкор хотирага эга бўлиб, бу ўқиш ва офис ишлари учун етарли ҳисобланади.
Дизайн жиҳатидан "Маc Нео" жуда ихчам кўринишга эга бўлади ва ўлчамлари бўйича "Apple TV 4К" приставкасини эслатади. Қурилмада фақат иккита USB-C порти мавжуд бўлиши тахмин қилинмоқда. Мутахассисларнинг фикрича, бундай паст нарх ишлаб чиқариш жараёнида айрим функциялари чекланган мобил чиплардан фойдаланиш ҳисобига таъминланиши мумкин. Янги маҳсулот интернетда ишлаш ва ҳужжатлар билан банд бўлган фойдаланувчилар учун мўлжалланган.
Изоҳлар 0
…