АҚШда 1,8 тонна тортиш кучига эга ракета двигатели муваффақиятли синовдан ўтказилди
АҚШнинг "Astrobotic" компанияси НАСА марказида "Chakram" номли янги авлод ротацион-детонатсион ракета двигателини муваффақиятли синовдан ўтказди. Синовлар давомида қурилма 1,8 тонна тортиш кучини намойиш этди ва 300 сониялик узлуксиз ёниш билан жаҳон рекордини қайд этди. Ушбу технология анъанавий двигателлардан фарқли равишда ёқилғи энергиясидан анча самарали фойдаланиш имконини беради. Келажакда мазкур двигателдан Ойга қўниш модуллари ва кўп марта ишлатиладиган ракеталарда фойдаланиш режалаштирилган.
"Астроботиc" компанияси НАСАнинг Алабама штатидаги Маршалл космик марказида ўзининг "Чакрам" ротацион-детонатсион ракета двигателини (RDRE) синовдан ўтказишни якунлади. Кампания доирасида двигателнинг икки прототипи саккизта оловли тестдан ўтиб, жами 470 сониядан кўпроқ вақт давомида ишлади. Бу ҳақда Ixbt.com хабар беради.
Синовлар давомида 300 сония давом этган узлуксиз ёниш жараёни алоҳида эътироф этилди. Компания вакилларининг сўзларига кўра, бу кўрсаткич бугунги кунда ротацион-детонатсион двигателлар учун ўрнатилган жаҳон рекорди бўлиши мумкин.
Ҳар бир двигатель 1,8 тоннадан ортиқ (тахминан 18 kN) тортиш кучини намойиш этди.
Анъанавий суюқлик билан ишлайдиган ракета двигателларидан фарқли ўлароқ, ротацион-детонатсион қурилмалар ҳалқасимон ёниш камерасида айланувчи товушдан тез детонация тўлқинларидан фойдаланади. Бундай технология ёқилғи энергиясидан анча самарали фойдаланиш имконини беради.
"Астроботиc" келажакда "Чакрам" двигателини "Гриффин" ойга қўниш модуллари, кўп марта ишлатиладиган "Ходиаc" ва "Хогдор" ракеталари ҳамда янги орбитал транспорт аппаратларида қўллашни режалаштирмоқда. Муҳандислар муваффақиятли синовлар кейинги босқич учун мустаҳкам пойдевор бўлишини таъкидлади.
Изоҳлар 0
…