ХКСдаги ҳаво сизиб чиқиши тўхтатилди, бироқ носозлик сабаби ҳалигача номаълумлигича қолмоқда
Халқаро космик станциянинг Россия сегментидаги ҳаво сизиб чиқиши тўхлатилди, лекин ёриқлар сабаби ҳали ҳам аниқланмаган. "Звезда" модулидаги муаммо герметик модда суртилганидан кейин тўхтаган. NASA ва "Роскосмос" мутахассислари ёриқлар хавфи бўйича турли фикрларга эга, асосий версиялар қаторида насослар тебраниши ва коррозия кўриб чиқилмоқда. Станциянинг келажаги 2026 йил охиригача аниқланиши керак, NASA эса фойдаланиш муддатини 2030 йилдан 2032 йилгача узайтиришни ўрганмоқда.
Халқаро космик станциянинг Россия сегментида бир неча йилдан бери муҳандисларни ташвишга солаётган ҳаво сизиб чиқиши тўхтатилди. Бироқ ёриқлар пайдо бўлиш сабаби ҳамон номаълумлигича қолмоқда. Бу ҳақда Ixbt.com хабар беради.
Муаммо "Звезда" модулидаги ўтиш бўлмасида кузатилган эди. Россиялик космонавтлар томонидан герметик модда суртилгач, ҳаво йўқотилиши тўхтади.
NASA ва "Роскосмос" мутахассислари ёриқлар хавфи борасида турли қарашларга эга. Асосий версиялар қаторида насослар тебраниши оқибатида материалнинг толиқиши ва коррозия кўриб чиқилмоқда.
NASA вакили Джоел Монталбано станция конструкцияси ҳолатидан ҳамон хавотирда эканини таъкидлади. Хавфсизлик мақсадида экипаж ишлаётган вақтда бўлмалар орасидаги люк ёпиб қўйилмоқда.
Станция тақдири бўйича якуний қарор 2026 йил охиригача қабул қилиниши керак. NASA станциядан фойдаланишни 2030 йилда якунлашни режалаштирган, бироқ муддатни 2032 йилгача узайтириш имконияти ҳам ўрганилмоқда.
Изоҳлар 0
…