АҚШда шу ҳафта христианларга мўлжалланган янги миллий уяли алоқа тармоғи ишга туширилади. Тармоқ порнографияни блоклайди ва бу АҚШ уяли алоқа бозорида тармоқ даражасидаги биринчи шундай чеклов ҳисобланади. Бу ҳақда Ixbt.com хабар беради.
Катталар учун мўлжалланган аккаунт эгалари ҳам бу блокировкани ўчира олмайди.
Шунингдек, жинсий характердаги контент, жумладан гендер ва трансгенделарга оид материалларни блоклашга қаратилган фильтр ҳам жорий этилади. Бу фильтр ихтиёрий бўлса-да, барча тариф режаларида сукут бўйича ёқилган бўлади.
5 май куни ишга туширилиши кутилаётган тармоқ Радиант Мобиле виртуал оператори томонидан бошқарилади. Компания Т-Мобиле каби йирик провайдерлардан ўтказувчанлик қобилиятини сотиб олиб, уни маълум гуруҳларга сотади.
Радиант Мобиле асосчиси Пол Фишернинг таъкидлашича, компания порнография ва LGBT мавзуларидан холи муҳит яратишни мақсад қилган. Т-Мобиле вакили бу ҳолат компания қоидаларини бузиш ёки бузмаслиги ҳақида изоҳ бермади.
Фишер ушбу лойиҳани тарғиб қилиш учун қатор христиан арбобларини жалб қилган ва бутун мамлакат бўйлаб минглаб черковлар билан ҳамкорлик ўрнатган. Фойдаланувчилар ўзларининг 30 долларлик ойлик тўловларининг бир қисмини черковга ўтказиш имкониятига эга бўладилар.
“Zamin”ни Telegram'да ўқинг!
