Танишув иловалари бозорида фаолият юритувчи Бумбле компанияси ўзининг молиявий ҳисоботини эълон қилди. Унга кўра, 2026-йилнинг биринчи чорагида пуллик обуначилар сони 21,1 фоизга қисқариб, 3,2 миллион нафарни ташкил этди. Гарчи фойдаланувчилар базаси камайган бўлса-да, компания буни атайлаб амалга оширилган стратегик ўзгариш деб атамоқда. Бу ҳақда Techcrunch.com хабар беради.
Бумбле раҳбарияти миқдор эмас, балки сифатга эътибор қаратишга қарор қилди. Натижада, ҳар бир фойдаланувчидан тушадиган ўртача даромад 9 фоизга ошди, соф фойда эса 52,6 миллион долларгача кўтарилди. Компания асосчиси Wҳитней Wолфе Ҳерд бу жараённи экотизимни соғломлаштириш йўлидаги муҳим қадам сифатида баҳолади.
Компания келажакдаги ўсишни сунъий интеллектга асосланган янги платформа билан боғламоқда. Бумбле ўзининг эски технологик инфратузилмасини булутли ва АИ ёрдамида ишловчи тизимга ўтказмоқда. Бу янгиланиш фойдаланувчиларга бир-бирига мос келадиган номзодларни аниқроқ тавсия этиш имконини беради.
Энг катта ўзгаришлар жорий йилнинг тўртинчи чорагида кутилмоқда. Бумбле анъанавий «сwипе» (суриш) моделидан воз кечиб, фойдаланувчиларни реал ҳаётда учрашишга ундайдиган янги интерфейсни тақдим этишни режалаштирмоқда. Шунингдек, "Бее" номли сунъий интеллект ёрдамчиси фойдаланувчиларнинг хоҳиш-истакларига мос келувчи жуфтликларни топишда яқиндан кўмаклашади.
“Zamin”ни Telegram'да ўқинг!
