Таниқли инсайдер Digital Chat Station янги ихчам флагман смартфон ҳақидаги қизиқарли маълумотларни ошкор қилди. Қурилма 6,39 дюймли дисплей билан жиҳозланган бўлиб, унинг томонлар нисбати 16:10 ни ташкил этади. Бу кўрсаткич смартфонни ёйилган ҳолатдаги букланувчи қурилмаларга яқинлаштиради. Экран тахминан 2100 х 1300 пиксел ўлчамига эга бўлиши кутилмоқда. Бу ҳақда Ixbt.com хабар беради.
Смартфон прототипи флагман даражасидаги Dimensity 9-серияли процессор базасида ишлайди. Энг эътиборли жиҳати шундаки, қурилма ихчам ўлчамига қарамай, 7000 мА·соат сиғимли аккумулятор билан таъминланади. Бу замонавий смартфонлар учун жуда юқори кўрсаткич ҳисобланади.
Қурилманинг асосий устунлиги унинг камера тизимида бўлади. Смартфон 50 мегапикселли асосий сенсор ва перископик телеобъективни ўз ичига олган учта камера модули билан жиҳозланади. Бу ечим фойдаланувчиларга сифатли оптик яқинлаштириш имконини беради.
Digital Chat Station аввалроқ Xiaomi 15 ва Xiaomi 15 Про смартфонлари, шунингдек, Realme ГТ 7 Про дисплейи ҳамда Dimensity 9400 процессорининг чиқарилиш санаси ҳақидаги маълумотларни аниқ башорат қилган эди. Шу боис, янги қурилма ҳақидаги бу хабарлар технология ихлосмандларида катта қизиқиш уйғотмоқда.
“Zamin”ни Telegram'да ўқинг!
