Таниқли инсайдер Digital Chat Station янги букланувчи смартфоннинг муҳандислик намунасини синовдан ўтказганини маълум қилди. Қурилма MediaTek компаниясининг флагман даражасидаги 8 ядроли Dimensity 9500 платформаси базасида ишлайди. Ушбу чипсет юқори унумдорликка эга бўлиб, премиум тоифадаги смартфон ва планшетлар учун мўлжалланган. Бу ҳақда Ixbt.com хабар беради.
Смартфон дизайни бўйича маълумотларга кўра, у силлиқланган бурчаклар ва текис олд панелга эга бўлади. Орқа қисмида катта ҳажмли юмалоқ камера блоки жойлашган бўлиб, бармоқ изи сканери эса қурилманинг ён қисмига ўрнатилган.
Камера имкониятлари таъсирли: асосий сенсор 200 мегапикселли, ультра кенг бурчакли модул 50 мегапикселли ҳамда 3 карра оптик яқинлаштиришга эга перископик телефото камера ҳам 50 мегапикселли сенсор билан жиҳозланган. Мутахассислар ушбу қурилмани мувозанатли ва универсал ечим сифатида баҳоламоқда.
Digital Chat Station аввалроқ Xiaomi 15, Xiaomi 15 Про ҳамда Realme ГТ 7 Про смартфонлари ҳақидаги аниқ маълумотларни биринчилардан бўлиб ошкор қилган эди. Шунингдек, инсайдер Dimensity 9400 чипи Snapdragon 8 Элите процессоридан олдинроқ бозорга чиқишини ҳам тўғри башорат қилган.
“Zamin”ни Telegram'да ўқинг!
