Qualcomm арзон смартфонлар учун янги Snapdragon 6 Ген 5 ва 4 Ген 5 чипини тақдим этди

Qualcomm компанияси ўзининг янги Snapdragon 6 Ген 5 ва Snapdragon 4 Ген 5 мобил платформаларини расман намойиш этди. Ҳар иккала процессор ҳам 4-нанометрли технологик жараён асосида ишлаб чиқарилган бўлиб, бюджет ва ўрта сегментдаги смартфонлар имкониятларини сезиларли даражада оширишга қаратилган. Бу ҳақда Ixbt.com хабар беради.

Snapdragon 6 Ген 5 саккиз ядроли Крё процессори билан жиҳозланган бўлиб, унинг тўртта унумдор ядроси 2,6 ГГс, қолган тўртта энергия тежамкор ядроси эса 2,0 ГГс частотада ишлайди. Компания маълумотларига кўра, график унумдорлик 21 фоизга, иловаларнинг ишга тушиш тезлиги эса 20 фоизга ошган. Платформа Wi-Fi 7, Bluetooth 6.0 ва 5G тармоқларини қўллаб-қувватлайди ҳамда 200 мегапикселли камералар билан ишлаш имконини беради.

Snapdragon 4 Ген 5 модели эса иккита унумдор (2,4 ГГс) ва олтита энергия тежамкор (2,0 ГГс) ядроларга эга. Бу чип аввалги авлодга нисбатан график унумдорликни 77 фоизга, иловалар тезлигини эса 43 фоизга оширади. Шунингдек, у ўйинларда 90 ФПС кадрлар частотасини таъминлайди ва 108 мегапикселли камералар билан мослашади.

Янги процессорлар ўйин жараёнини яхшилаш учун Snapdragon Гаме Супер Ресолутион, Qualcomm Фрамес Пер Секонд 3.0 ва Адаптиве Перформансе Энгине каби махсус технологиялар билан бойитилган. Ушбу платформалар асосидаги илк смартфонлар Ҳонор, Oppo, Realme ва Redmi брендлари томонидан тақдим этилиши кутилмоқда.