Окленддаги федерал судда бўлиб ўтган тингловларда Elon Musk бир вақтлар Sam Altman'ни Tesla директорлар кенгашига таклиф қилмоқчи бўлгани маълум бўлди. OpenAI собиқ кенгаш аъзоси ва Мускнинг яқин сафдоши Шивон Зилис 2017-йил охирларида шундай муҳокамалар бўлганини тасдиқлади. Бу ҳақда Ixbt.com хабар беради.
Ўша даврда Муск ва OpenAI асосчилари ташкилотнинг келажаги ҳамда ҳисоблаш қувватларини молиялаштириш масалаларини муҳокама қилишаётган эди. Муск OpenAI'ни ўзининг Tesla компаниясига қарашли шоъба корхонага айлантириш ва у ерда сунъий интеллект лабораториясини ташкил этиш ғоясини илгари сурган.
OpenAI ҳуқуқшунослари ушбу ҳаракатни Мускнинг сунъий интеллект технологияларини ўз назоратига олиш ва уларни Tesla тизимига интеграция қилишга бўлган уриниши деб баҳоламоқда. Уларнинг таъкидлашича, Муск Алтманни ўз миссиясидан воз кечиб, Tesla'га қўшилишга кўндирмоқчи бўлган.
Ўз навбатида, Elon Musk суд жараёнида OpenAI'ни дастлаб нотижорий ташкилот сифатида ўзи асослаганини ва унинг мақсади инсониятга хизмат қилиш бўлганини таъкидлади. Унинг сўзларига кўра, Sam Altman компания нотижорий мақомда қолишига вада берган, бироқ кейинчалик бу вадасидан қайтган.
“Zamin”ни Telegram'да ўқинг!
