Робиньоод савдо платформаси асосчиларидан бири Байжу Бҳатт томонидан асос солинган Ковбой Спасе Корпоратион стартапи ўз ракеталарини ва сунъий интеллект (AI) учун орбитал маълумотлар марказларини ишлаб чиқиш мақсадида 275 миллион доллар сармоя жалб қилди. Б-раунди молиялаштирилишидан сўнг компаниянинг қиймати 2 миллиард долларга баҳоланди. Лойиҳанинг асосий мақсади — AI ҳисоблаш қувватларини тўғридан-тўғри Ер орбитасига жойлаштиришдир. Бу ҳақда Ixbt.com хабар беради.
Бҳаттнинг сўзларига кўра, сунъий интеллектга бўлган талаб шунчалик тез ўсмоқдаки, ердаги инфратузилма энергия таъминоти ва совутиш тизимлари бўйича чекловларга дуч келмоқда. Бироқ компания кутилмаган муаммога дуч келди: орбитал платформаларни фазога олиб чиқиш учун бозорда етарли даражада ракета мавжуд эмас. SpaceX компаниясининг Starship ёки Blue Origin'нинг New Glenn ракеталари ҳали синов босқичида ёки уларнинг парвозлар жадвали банд.
Шу сабабли, Ковбой Спасе ўзининг ракета тизимини яратишга қарор қилди. 2024-йилда Аэтҳерфлух номи билан ташкил этилган стартап дастлаб космосда қуёш энергиясини йиғиб, уни Ерга узатишни режалаштирган эди. Кейинчалик жамоа бу энергиядан бевосита орбитада AI ҳисоб-китобларини қувватлантириш учун фойдаланишга ўтди. Натижада, маълумотлар марказлари ракетанинг иккинчи босқичига интеграция қилинадиган ноёб конструкция ғояси пайдо бўлди.
Компания массаси 20-25 минг тонна бўлган платформаларни орбитага чиқаришни режалаштирмоқда. Ҳар бир платформа 1 мегаватт қувватни таъминлаб, тахминан 800 та график тезлатгичга хизмат кўрсатиши мумкин. Лойиҳани амалга ошириш учун стартап SpaceX ва Blue Origin'нинг собиқ муҳандисларини, жумладан, двигателлар бўйича мутахассис Уоррен Ламонт ва парвозлар менежери Тайлер Гриннени ишга олди.
Бҳаттнинг фикрича, Ер ресурсларининг чекланганлиги келажакда маълумотлар марказларини космосга кўчиришга бўлган қизиқишни янада оширади. Ковбой Спасе ўзининг биринчи парвозини 2028-йил охиригача амалга оширишни мақсад қилган. Гарчи бу жуда мураккаб вазифа бўлса-да, компания AI бозори шунчалик каттаки, у бир нечта космик ўйинчилар учун етарли бўлишига ишонмоқда.
“Zamin”ни Telegram'да ўқинг!
