OpenAI компанияси АҚШдаги ChatGPT Pro обуначилари учун шахсий молия воситаларини синов тариқасида ишга туширди. Ушбу янгилик фойдаланувчиларга ўз банк ҳисобларини ChatGPT билан боғлаш ва харажатларни таҳлил қилиш ҳамда молиявий режалаштириш бўйича саволлар бериш имконини беради. Тизим Плаид хизмати орқали 12 мингдан ортиқ молия муассасалари, жумладан Часе, Американ Эхпресс ва Робиньоод билан интеграция қилинган. Бу ҳақда Techcrunch.com хабар беради.
Янги функция фойдаланувчиларга портфел самарадорлиги, обуналар ва бўлажак тўловлар акс этган махсус бошқарув панелини тақдим этади. OpenAI ушбу маҳсулотни ишлаб чиқишда апрель ойида сотиб олинган Ҳиро стартапи жамоасининг тажрибасидан фойдаланганини маълум қилди. Фойдаланувчилар ён панелидаги “Финансес” бўлими орқали ёки чатда “@Финансес, коннект мй аккоунтс” буйруғини ёзиш орқали тизимни фаоллаштиришлари мумкин.
Компания маълумотларига кўра, ҳар ой 200 миллиондан ортиқ фойдаланувчи ChatGPT'га молия билан боғлиқ саволлар беради. Янги GPT-5.5 модели контекстни тушуниш ва мантиқий хулосалар чиқаришда янада кучлироқ бўлиб, бу молиявий маслаҳатларнинг аниқлигини оширади. Келгусида Интуит платформаси билан ҳамкорлик орқали солиқлар ва кредит карталари бўйича чуқурроқ таҳлиллар тақдим этилиши режалаштирилган.
{15} Apps > Финансес” бўлими орқали ҳисобларини узишлари мумкин. Хизматдан узилгандан сўнг, синхронлаштирилган маълумотлар 30 кун ичида ChatGPT тизимидан бутунлай ўчириб ташланади. Ҳозирча ушбу восита фақат веб-версия ва iOS қурилмаларидаги Pro фойдаланувчилари учун очиқ. “Zamin”ни Telegram'да ўқинг!
