2026-йилнинг иккинчи чорагида мобил ДRAM хотираси учун шартномавий нархлар кескин ўсишда давом этади, бу эса смартфон ишлаб чиқарувчилари учун жиддий молиявий босимни келтириб чиқармоқда. ТрендФорсе таҳлилий агентлиги прогнозларига кўра, LPDDR4X хотираси нархи ўтган чоракка нисбатан 70–75 фоизга, LPDDR5Х эса 78–83 фоизга қимматлашиши кутилмоқда. Бу ҳақда Ixbt.com хабар беради.
Жанубий Кореянинг икки йирик етказиб берувчиси бўлган Samsung ва СК Ҳйних нарх сиёсатида турлича ёндашувни танлади. Samsung нархларни бирданига ва сезиларли даражада оширган бўлса, СК Ҳйних босқичма-босқич ўсиш стратегиясини қўлламоқда. Якуний нархлар май ойи охирига келиб аниқ бўлиши кутилмоқда.
Хотира нархларининг бир неча чорак давомидаги узлуксиз ўсиши мобил саноатига салбий таъсир кўрсатди. Ишлаб чиқарувчилар 2026-йил учун режалаштирилган смартфон ишлаб чиқариш ҳажмларини қисқартиришга мажбур бўлишди ва узоқ муддатли шартномаларни бажаришда қийинчиликларга дуч келишди.
Ушбу ҳолат смартфонларнинг техник хусусиятларини қайта кўриб чиқишга олиб келди. Ҳозирда флагман моделларда 16 GB ўрнига асосан 12 GB хотира қўлланилмоқда. Ўрта сегментдаги қурилмаларда 8 GB стандартга айланган бўлса, бюджет моделлари 4 GB хотира билан чекланмоқда, 2 GB ва 3 GB ҳажмли моделлар эса бозордан аста-секин чиқиб кетмоқда.
“Zamin”ни Telegram'да ўқинг!
