Samsung Electronикс Ветнамдаги яримўтказгичлар бизнесини сезиларли даражада кенгайтиришга тайёргарлик кўрмоқда. Reuters томонидан ўрганилган ҳужжатларга кўра, Жанубий Корея компанияси хотира микросхемаларини синовдан ўтказиш корхонаси қурилишига қарийб 1,5 миллиард доллар инвестиция киритади. Бу ҳақда Ixbt.com хабар беради.
Янги объект Ханойдан тахминан 60 км шимолда қад кўтармоқда ва у 2027-йилнинг охирида ишга тушиши режалаштирилган. Ушбу лойиҳа Samsung компаниясининг Ветнамдаги бундай турдаги биринчи заводи бўлади. Корхона смартфонлар, ноутбуклар, автомобиллар ва бошқа электроника қурилмаларида қўлланиладиган ДRAM ҳамда НАНД микросхемаларини тестдан ўтказиш билан шуғулланади.
Сунъий интеллект соҳасидаги жадал ривожланиш фонида йирик ишлаб чиқарувчилар ўз қувватларини AI-серверлар учун хотира чиплари ишлаб чиқаришга йўналтирмоқда. Бу эса бозорда оддийроқ чипларнинг танқислигига сабаб бўлди. Лойиҳа материалларига кўра, завод ҳар йили 153 миллиард гигабитдан ортиқ ДRAM ва 255 миллиард гигабитдан ортиқ НАНД хотирасини синовдан ўтказиш имкониятига эга бўлади.
Ветнам ҳукумати ушбу инвестицияларни жорий йилнинг баҳоридаёқ маъқуллаган эди. Шунингдек, Samsung келажакда бизнесни янада кенгайтириш имкониятларини кўриб чиқмоқда: компания ўз фойдасини қайта инвестиция қилиб, иккинчи корхона қурилишига 2,5 миллиард долларгача маблағ йўналтириши мумкин.
“Zamin”ни Telegram'да ўқинг!
