Samsung компанияси Android 16 операцион тизимига асосланган йирик One UI 8.5 янгиланишини фаол равишда тарқатишда давом этмоқда. 2026-йил 28-май ҳолатига кўра, глобал бозордаги ҳамёнбоп Galaxy А16 ва Galaxy А26 моделлари учун барқарор прошивка талқини тақдим этилди. Бу ҳақда Ixbt.com хабар беради.
Инсайдер Тарун Ватс берган маълумотларга кўра, фойдаланувчилар аллақачон янгиланишни юклаб олишни бошлаганлар. Файл ҳажми моделга қараб тахминан 2,3 дан 2,9 GB гача бўлиб, у май ойи хавфсизлик патчини ҳам ўз ичига олади. Ҳиндистондаги Galaxy А16 ва Galaxy А26 қурилмалари учун тегишли дастурий таъминот йиғмалари расман чиқарилди.
Шунингдек, айнан шу куни Ҳиндистон ва Малайзиядаги Galaxy А17 смартфонлари ҳам янгиланишни қабул қилди. Ҳозирда ушбу прошивка тарқатилаётган мамлакатлар рўйхати босқичма-босқич кенгайиб бормоқда. One UI 8.5 интерфейси фойдаланувчиларга яхшиланган персоналлаштириш, янги Galaxy AI функциялари ва тизим барқарорлигини таклиф этади.
Samsung қўллаб-қувватланадиган қурилмалар рўйхатини кенгайтирмоқда: One UI 8.5 ҳозирда флагман S25 ва S24 серияларидан тортиб, ҳамёнбоп А-серия ва планшетларгача бўлган ўнлаб моделларда мавжуд. Яқин ҳафталар ичида янгиланиш бошқа минтақаларда ҳам глобал миқёсда тарқатилиши кутилмоқда.
“Zamin”ни Telegram'да ўқинг!
