Сўнгги вақтларда турли компаниялар йўловчи ташиш соҳасида учиш қурилмаларини ишлаб чиқаётганлари ҳақида хабарлар қилмоқда. Шунга кўра, айтиш мумкинки, учар таксиларнинг пайдо бўлишига кўп қолгани йўқ. Фақатгина қайси компания тайёр маҳсулотни биринчи бўлиб тақдим эта олади, деган савол жавобсиз қолмоқда, холос.
Эҳтимол, Исроилнинг Tactical Robotics компанияси шундай корхона бўлар. У, аллақачон, тик учувчи Cormorant қурилмасини ишлаб чиққан. Айнан унинг негизида кенг омма учун мўлжалланган транспорт воситасини ишлаб чиқиш устида ишлар олиб борилмоқда.
Айни вақтда, Tactical Robotics компанияси AirMule билан ҳамкорликда (икки фирма ҳам Urban Aeronautics компаниясига қарашли) қурилмани ишлаб чиқиш борасида фаол изланишларни олиб бормоқда. Бўлғуси учар автомобилга ном ҳам топилган – CityHawk. Унинг асосида Fancraft технологияси ётади, бунда корпус ичига жойланган роторлар воситасида айланувчи пропеллерлардан фойдаланилади. Шу сабабли, CityHawk парраклари кўринмайди ва учиш-қўниш, ҳаракатланишни қийинлаштирмайди. Ёқилғи сифатида сиқилган водороддан фойдаланилади.
Cormorant. Янги учиш қурилмаси айнан унинг негизида барпо этилмоқда
Келгусида CityHawk учар таксисига электродвигатель ўрнатилиши режалаштирилган. Бироқ, бунда ҳам ёқилғи сифатида водороддан фойдаланилади. Конструкторлар йўловчиларнинг хавфсизлигини ҳам ёддан кўтаришмаган. CityHawk «ўта тез» парашют тизимига эга бўлади. У носозлик кузатилган тақдирда бир лаҳзада осмонга отилади ва очилади.
CityHawk транспорт воситасига 4 йўловчи, шу жумладан бошқарувчи учун ўриндиқлар ўрнатилади. Бундан ташқари, CityHawk автоматик бошқарув технологиясига ҳам эга бўлиши мумкин. У айни вақтда бундай бошқарув тизими Cormorant’да синовдан ўтказилмоқда. Urban Aeronautics ишланмани 5 йилда якунлашни режалаштирган. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Қайси кундалик одатлар иммунитет пасайишига олиб келишини биласизми?
АҚШнинг Ғазодаги сиёсатидан норози Давлат департаменти расмийси истеъфога чиқди
Германияда мактаб ўқувчилари оммавий равишда ислом динини қабул қилмоқда
Ортиқча вазнли инсонлар учун соғлом овқатланишнинг бешта муҳим қоидаси
Сариқми ёки яшил: қайси турдаги банан фойдалироқ?
Тошкентда 02 кодли авторақамлар тахминан қачон пайдо бўлиши айтилди
Лукашенко Ғарбга таҳдид билан чиқди