АҚШнинг Массачусетс технологик институтида MIT Media Lab лабораториясининг Mediated Matter гуруҳи олимлари уйлар қура оладиган Digital Construction Platform (DCP) роботлаштирилган тизимини яратдилар. Бу ҳақда The Verge порталига таяниб Кун.уз хабар бермоқда.
Таъкидланишича, DCP моҳиятан, гусеницали асосдаги манипулятор-қўлли улкан ричагдир. Манипуляторни турли асбоблар, жумладан монтаж кўпиги учун тўппонча, пайвандлаш қурилмаси, эритилган пластмассани сиқиб чиқарувчи "термопластик экструдер", шприц-тўппонча ва ҳаттоки оддий челак билан ҳам жиҳозлаш мумкин.
Уй қуриш технологияси 3D-босмага ўхшаш бўлиб, бу ҳолатда насадкали манипулятордан фойдаланилади. Бунинг эвазига эса турли ўлчамдаги уйларни қуриш мумкин. Турли насадкалардан фойдаланиб, бинони қуриш учун материал сифатида шиша, муз, шағални қўллаш мумкин.
3,7 тонналик қурилмани яратиш учун 250 минг доллар сарфланди. Роботнинг оригинал шассиси дизель двигатель билан таъминланган, бироқ олимлар қурилмани ўзини таъминлай оладиган қилиш учун қуёш батареялари ва электроприводни қувват билан таъминловчи аккумулятор блоклари билан жиҳозлашди.
Қурилманинг ишлашини исботлаш мақсадида олимлар базавий структурани (бетон қуйиладиган шакл) қуриш прототипидан фойдаланишди. Бу прототип диаметри 15,2 метр ва баландлиги 3,7 метрга тенг гумбаз шаклидаги девордан иборат. Бу прототипни барпо этиш учун роботга 14 соат талаб қилинди.
Олимларнинг айтишича, робот ёрдамида уйларни арзонроқ ва тезроқ қуриш мумкин. Бунда бинонинг ички тузилиши исталган вақтда ўзгартирилиши, қуриш жараёнида қўлланилаётган материаллар, уларнинг зичлигини, изоляцияни ва бошқа хусусиятларни ўзгартириш мумкин.
“Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
АҚШнинг Ғазодаги сиёсатидан норози Давлат департаменти расмийси истеъфога чиқди
Россия дунёдаги биринчи водород ёқилғили автомобилни тақдим этди
Қайси кундалик одатлар иммунитет пасайишига олиб келишини биласизми?
Зоир Мирзаев “Телефонсиз мактаб”га 300 млн сўм мукофот берди
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Германияда мактаб ўқувчилари оммавий равишда ислом динини қабул қилмоқда
Сариқми ёки яшил: қайси турдаги банан фойдалироқ?
Америкалик олимлар барча учун бирдек фойдали жисмоний фаоллик турини аниқлади