Швейцарияликлар Lamborghini Aventador S услубида яратилган соатни тақдим этди

  • 22 сентябрь 2017, 09:38
  • 2 734
  • Технология
  • Швейцарияликлар Lamborghini Aventador S услубида яратилган соатни тақдим этди
    Roger Dubuis мануфактураси Lamborghini’нинг спорт бўлими — Squadra Corse билан ҳамкорликда Excalibur Aventador S скелетонини (очиқ механизмли соат) ишлаб чиқарди. Бу ҳақда «Мотор» нашрига таяниб «Дарё» хабар берди.

    Янги механизмга иккита баланс ғилдиракчалари ўрнатилган бўлиб, улардан бири қўлда вақти-вақти билан бурашга мўлжалланган бўлса, иккинчисининг захираси 40 соатга етади. Соат итальян машина брендида фойдаланиладиган, Lamborghini томонидан ишлаб чиқарилган кўп қатламли углерод толаси, C-СМC карбон толали композит ва титандан ишланган.

    Соатнинг айрим қисмлари Lamborghini’нинг рангига — сариқ Giаllо Orion ва тўқ сариқ Аransiо Аrgos’га бўялган.




    Компания сариқ рангли скелетондан 88 нусхада, тўқ сариқлисидан эса саккиз дона ишлаб чиқаради. Биринчи соатнинг нархи 194 500 доллар, иккинчисиники 216 000 минг доллар бўлади.

    » » Швейцарияликлар Lamborghini Aventador S услубида яратилган соатни тақдим этди