15:36 / 12.11.2017
4 953

Пластик картадан кичикроқ. Японлар энг митти смартфонни сотувга чиқарди

Пластик картадан кичикроқ. Японлар энг митти смартфонни сотувга чиқарди
Япониянинг FutureModel компанияси ҳажми кредит картасидан кичикроқ (90х50 миллиметр) бўлган NichePhone-S Android-смартфонни сотувга чиқарди, деб ёзмоқда Кун.уз нашри.

Унинг қалинлиги 6,5 мм, оғирлиги эса 38 граммни ташкил этади.

Смартфон 2 ядерли MediaTek MT6572A процессори билан бошқарилади ва 550 мА/соат сиғимли батарея билан жиҳозланган.

Ишлаб чиқарувчиларнинг ишонч билдиришича, бу батарея смартфон 72 соат ишлаши учун кифоя қилади (унда 3 соат узлуксиз гаплашиш мумкин).

Ушбу митти смартфон Android 4.2 операцион тизимида ишлайди ва Bluetooth, 3G, LTE ва модем режимини қўллаб-қувватлайди.

NichePhone-S фойдаланувчилари овозли қайдларни ёзиб олиши, шунингдек, «булут»дан мусиқа қўйиши мумкин.

Бу смартфонни ҳамёнга солиб юриш мумкин, калькульяторни эслатадиган бу смартфоннинг нархи ҳам ҳамёнбоп - 88 доллар. Ўзбекистондаги расмий курс бўйича бу 710 минг сўмга яқинни ташкил этади.



arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Техно » Пластик картадан кичикроқ. Японлар энг митти смартфонни сотувга чиқарди