Телеграмда янгиликлар тасмаси пайдо бўлади

Телеграм ижтимоий тармоғининг нaвбатдаги версиясида янгиликлар тасмаси пайдо бўлади. Эндиликда тармоқ фойдаланувчилари ўз каналларини тасма гуруҳига қўшишлари мумкин.

Хабарда айтилишича, тармоқнинг янги версияси фақатгина macOS учун мўлжалланган. Скриншотларга кўра фойдаланувчилар бир нечта ўз каналларини ягона гуруҳга йиққан ҳолда Feed (“Янгиликлар тасмаси”) гуруҳи орқали ўқийверадилар. Ушбу гуруҳдаги постлар хронологик тарзда жойлашади.

Айни пайтда 3.8.0 (115837) рақамли янги бета-версия “Телеграм” сайтида очиқ. Янгиликлар тасмасининг барча фойдаланувчилар учун тақдим этилиш санаси эса ҳали аниқ эмас.