Келажак транспорти лойиҳаси: дрон ва электропоезд бирлашмаси

Horizon System Самолёт ва поезд орасидаги гибрид сифатида лойиҳаланган ва тўлиқ электрлашган транспорт тизими ҳисобланади. Магнитли осма технологиялар билан жиҳозланган ушбу тизимда, катта ўлчамли самолёт (учувчи қанот) учиш давомида, SkyLink-поездлар ичидаги йўловчиларни SkyShip-самолётга иккаласининг ҳам ҳаракатини тўхтатмаган ҳолда олиши мумкин.

Муаллифнинг фикрича ушбу лойиҳа катта аэропортларда ва автомобил йўлларида ортиқча юкланишлар ва тирбандликлар масаласини ҳал қилиш имконини беради. Horizon System йўловчилари ўзларининг маҳаллий SkyStation-терминаллари орқали ҳаракатланишлари зарур бўлади (худди метронинг ўтиш бекатларидагидек).

Биз SkyLink поезди бортида учиш-қўниш майдони йўлагига яқинлашиб боришимиз билан, магнитли левитация технологияси туфайли у юмшоқгина тезланиб боради, унинг тезлиги то самолётнинг тезлигига етмагунча ўсишда давом этади ва сўнгра эса SkyShip-дрон ушбу поездни ўз бортига олади.

Самолёт қанотлари билан релслар устидаги магнитли осма бўйлаб осилиб туриш орқали ерга тегмасдан электрлаштирилган поездларни ўзидан соқит қилади ва янгиларини ўзига қабул қилиб олади. Темир йўл вагонлари бортидаги аккумуляторлар эса релс бўйлаб ҳаракатланиш пайтида, масофали зарядлаш технологиялариини қўллаган ҳолда заряд тўплайди ва самолет билан бирлашгандан сўнг учиш пайтида самолётни ҳаракатга келтиради. Самолётдан бўшатилган автотранспорт, магнитли релсларнинг транзит ҳудудига етиб бориши биланоқ яна заряд олишда давом этади.

Ушбу ҳаво кемаси масофадан туриб эксплуатация қилинади, яъни масофадан туриб бошқариш тизимига эга. Самолёт кабина ўрнига катта ойна билан ўралган ва дам олиш хонасига ўхшаш ягона майдонга эга бўлиб, саёҳат пайтида ҳайратланарли кўринишни ҳосил қилади. Лойиҳани 2050 йилгача амалга жорий қилиш режалаштирилган.

Mанба: usm.uz “Замин” янгиликларини “Facebook”да кузатиб боринг