Samsung Gear VR виртуал воқелик шлеми сотувга чиқди

Узоқ кутилганидан сўнг, ниҳоят, Samsung Gear VR шлеми савдоси бошланди, олдиндан буюртма бериш ҳам мумкин. Энг аввал уни АҚШга келтиришди, чунки виртуал воқелик иштиёқмандлари америкаликлар орасида кўплигини расмий статистика ҳам тасдиқлайди. Икки кун ўтиб Европа дўконларига чиқиши кутилади, деб ёщмоқда Terabayt.uz.

Америкада бу шлем нархи 100 доллар туради. Samsung Gear VR шлеми Oculus компанияси билан ҳамкорликда тайёрланган. Oculus тавсия ва маслаҳатлари, тажрибаси шлемнинг мукаммал яратилишида қўл келди.

Янги шлем Samsung Gear VR Innovation Edition шлеми негизида яратилган бўлиб, аввалги версиядан 22 фоизга енгил ва махсус поролон қистирмалари ҳисобига қулайлашган. Таъкидлаш керакки, шлем ҳамма учун эмас, дастурий таъминот яратувчилар учун ишлаб чиқарилган. Samsung Gear VR устида астойдил ишлангани сезилади, унга ўрнатилган тачпад (сенсор панель) ҳам такомиллаштирилган. Шлемни Samsungнинг Galaxy Note 5, Galaxy S6 edge+, S6 ва S6 edge смартфонлари билан ишлатса бўлади. Шлемга ўрнатилган гироскоп, акселерометр ва яқинлашув датчигини қўшиб ҳисоблаганда умумий вазни 320 гр.