07:56 / 25.10.2018
1 965

"Huawei" 1 терабайт хотирага эга қувватлагични тақдим этди

"Huawei" 1 терабайт хотирага эга қувватлагични тақдим этди
"Huawei" компанияси "Mate 20" сериясидаги смартфонлар учун ноодатий қувватлагични тақдим этди. Аксессуар 1 терабайт ҳажмдаги флеш-хотирага эга. Бу Хитойда ишлаб чиқарилган смартфон фойдаланувчиларида ўз маълумотларини сақлаб қўйиш ва, ҳар эҳтимолга қарши, уларни қайта тиклаш имкони бўлиши учун қилинган.

Қувватлагич ташқи кўринишидан симсизга ўхшаса-да, аслида смартфон унга кабель билан USB Type-C порт орқали уланади. Маълумотлар фойдаланувчининг хоҳишига қараб – ё автоматик тарзда, ё қўлда кўчириб ўтказилади. Қурилма маълумотларни кўчириш жараёнида смартфонни ҳам қувватлантириб тураверади.

"Power-bank"нинг ўлчами 136 миллиметрга 29 миллиметр, вазни – 270 грамм. Қурилма сув ўтказмайдиган мато билан қопланган, "оёқча"лари – силикон. Нархи ҳозирча маълум эмас.

Баъзи таҳлилчилар "Huawei"нинг бу қурилмасидан ҳайрон – уларнинг фикрича, булутли сервислар оммалашиб бораётган вақтда қувватлагичга флеш-хотирани ҳам жойлаштириш ўринсиз. Шунингдек, ушбу қувватлагичдан фақат "Mate 20" серияси смартфонлари фойдалана олиши ҳам унчалик тўғри эмас.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)
Мавзуга оид янгиликлар


Янгиликлар » Технология » "Huawei" 1 терабайт хотирага эга қувватлагични тақдим этди