"Xiaomi" энг арзон "Mi Notebook"ни намойиш этди

  • 8-11-2018, 15:44
  • 596
  • Технология
  • "Xiaomi" энг арзон "Mi Notebook"ни намойиш этди
    "Xiaomi" компанияси "Mi Notebook"нинг энг арзон версиясини тақдим этди. Экранининг диагонали 15,6 дюйм бўлган модел саккизинчи авлод "Intel Core i3" процессорида ишлайди.

    Бунгача "Xiaomi" "Mi Notebook" ноутбуклари "Intel Core i5" ва "Core i7" базасидаги, оператив хотираси 4 ёки 8 гигабайт бўлган версияларда таклиф қилинарди. Янги версиянинг оператив хотираси 4 гигабайтга, доимий хотираси эса 128 гигабайтга тенг. Қўшимча флеш-хотирадан ҳам фойдаланса бўлади.

    Ноутбук етарли даражада ингичка – 19,9 миллиметр. Клавиатурада калкуляторни, браузерни ва "Scroll Lock"ни ёқиш учун махсус тугмалар билан тўлдирилган алоҳида рақамли блок бор. Ноутбукка "Microsoft Office" тўплами ҳам ўрнатилган.

    Иккита "USB 3.0", "USB 2.0", "Ethernet", "HDMI interface", қулоқчин ва хотира картаси учун слотлар бор. Ноутбукнинг Хитойдаги баҳоси 491 долларга тенг.

    » » "Xiaomi" энг арзон "Mi Notebook"ни намойиш этди