Huawei санкциялар сабабли янги ноутбуки тақдимотини бекор қилди

  • 12 июнь 2019, 19:59
  • 739
  • Технология
  • Huawei санкциялар сабабли янги ноутбуки тақдимотини бекор қилди
    Huawei компанияси ўзининг Matebook ноутбуки янги модели тақдимотини номаълум муддатга кечиктирди. Бу ҳақда The Information'га таяниб Кун ёзмоқда.

    Янги модель ушбу ҳафтада Шанхайдаги CES Asia 2019 кўргазмасида намойиш этилиши керак эди. компания вакилларининг сўзларига кўра, яқинда киритилган АҚШ санкциялари сабабли тақдимот ортга сурилган.

    Аввалроқ АҚШ савдо вазирлиги Huawei компаниясини қора рўйхатга киритганди. Google, Intel, Broadcom ва бошқа компаниялар Хитой компанияси билан ҳамкорликни тўхтатди.

    Matebook ноутбукларида Intel процессорлари ва Windows операцион тизими ўрнатилган. Шу тарзда ноутбук санкциялар сабабли Huawei компаниясининг бозорга чиқа олмаган биринчи маҳсулоти бўлди.

    Фикрлар

    » » Huawei санкциялар сабабли янги ноутбуки тақдимотини бекор қилди