ОАВ: Apple фойдаланувчиларнинг суҳбатларини тинглайди

  • 24 июль 2019, 18:32
  • 746
  • Технология
  • ОАВ: Apple фойдаланувчиларнинг суҳбатларини тинглайди
    Apple корпорацияси субпудратчи корхона орқали фойдаланувчиларнинг овозли буйруқлари ва шахсий суҳбатларини тинглаш учун ходимларни ишга олади. Бу ҳақда El Pais газетаси хабар берди.

    Нашрнинг ёзишича, компаниянинг Испанияда ходимлари бўлиб, улар турли тиллардаги, жумладан, француз ва немис тилларидаги ёзувларни тинглашади. Газета манбаларининг сўзларига кўра, бу Siri овозли ёрдамчисининг дастурий таъминотини яхшилаш учун амалга оширилади. Аммо нашрнинг ёзишича, нафақат Siri буйруқлари, балки телефон эгаларининг шахсий суҳбатлари ҳам тингланади.

    Ёзувларни тинглаш субпудратчи корхона орқали амалга оширилади.

    Компания ўз навбатида "Apple’нинг барча маҳсулот ва хизматлари шахсий маълумотлар хавфсизлигини таъминлашга мўлжалланган бўлиб, кимга нимани тақдим этишни фақатгина фойдаланувчининг ўзи ҳал қилишини" таъкидлади.

    » » ОАВ: Apple фойдаланувчиларнинг суҳбатларини тинглайди