Кўзи ожиз ихтирочи кўзи ожизлар учун Google харитадан фойдаланадиган ақлли ҳасса ихтиро қилди

  • 18 ноябрь 2019, 06:33
  • 696
  • Технология
  • Кўзи ожиз ихтирочи кўзи ожизлар учун Google харитадан фойдаланадиган ақлли ҳасса ихтиро қилди
    Ушбу электрон ҳасса кўр одамларнинг бемалол ўзлари юра олишига йўл очиб бермоқда, дея хабар бермоқда Moon Child.

    «WeWalk» номли ақлли ҳасса одамларни осилган нарсалар ва тўсиқлардан ҳимоя қилиш воситаси сифатида ультрасоник сенсорлардан фойдаланади, яъни ушбу қурилма тебраниш орқали яқин атрофдаги тўсиқлар ҳақида ўз хўжайинини огоҳлантиради.

    Унга махсус камера ўрнатилган бўлиб, камерани осон бошқариш учун смартфоннинг Bluetooth тизими билан боғлаш мумкин. У Voice Assistant ва Google Maps дастурий таъминоти билан бирлаштирилганлиги сабабли, яқин атрофдаги дўконлар ва инфратузилма тафсилотларини фойдаланувчига етказиш учун динамиклардан фойдаланиши мумкин.

    «WeWalk» бош директори ва мутахасиси Курсат Жейланнинг айтишича, у замонавий технологияларни кўзи ожизлар учун восита сифатида ишлатиш истагидан келиб чиққан ҳолда ҳассани ривожлантиришга ўз ҳиссасини қўшган.

    «Кўзи ожиз одам сифатида, мен метро станциясида бўлганимда, қайси йўлдан чиқишимни билмайман... қайси автобус яқинлашаётганини ҳам билмайман... ёки атрофимдаги дўконлардан бехабар бўламан. Бундай маълумотни эса ''WeWalk'' орқали олиш мумкин.»

    Ҳозирда «WeWalk» 500 долларга сотилмоқда. Замонавий технологиялар ҳозирда бир-бирига рақобатни кучайтирар экан, ишлаб чиқарувчилар навигация қобилиятларини янада яхшилаш учун уни ҳайдовчилар ва транспорт хизматлари билан бирлаштиришга умид қилишмоқда.

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » Кўзи ожиз ихтирочи кўзи ожизлар учун Google харитадан фойдаланадиган ақлли ҳасса ихтиро қилди