2099 йилгача технологиялар дунёсида нималар ўзгаради?

Google техник директори ва таниқли технофутурист Рей Курцвейл 1990 йиллардан бери технология дунёсининг келажаги ҳақида башоратларни эълон қилмоқда.
Агар сиз унинг сўнгги 20 йил ичида қилган барча башоратларини китобларда, блогларда, интервюларда ва маърузалардан тўпласангиз, 2099 йилгача келажак ҳақида батафсил маълумот олишингиз мумкин.

2020: Шахсий компютер инсон миясига таққослаб бўладиган ишлаш қувватига эришади.
2021: Симсиз Интернет Ер шарининг 85 фоизини қамраб олади.
2022: АҚШ ва Европада одамлар ва роботлар ўртасидаги муносабатларни тартибга солувчи қонунлар қабул қилинади. Унда роботлар фаолияти, уларнинг ҳуқуқлари, мажбуриятлари ва бошқа чекловлари аниқ кўрсатиб ўтилган.
2024: Автомашиналарда сунъий идрок элементлари мажбурий бўлади – одамларга ақлли ёрдамчи билан жиҳозланмаган машинани ҳайдаш тақиқланади.
2025: Имплантат мосламалари оммавий бозорда пайдо бўлади.
2026: Илмий тараққиёт туфайли инсон ҳаёти давомийлигини узайтириш мумкин.
2027: Мураккаб вазифаларни тўлиқ мустақил бажарадиган шахсий робот музлатгич ёки қаҳва қайнатгич каби оммабоп қурилмага айланади.
2028: Қуёш энергияси шу қадар арзон ва умумфойдаланиладиган бўладики, у инсониятнинг барча энергия эҳтиёжлари қондирилади.
2029: Компютер Тьюринг тестидан муваффақиятли ўтиб, унинг ақли мавжудлиги исботланади. Бунга инсон миясини компютер моделлаштириш орқали эришилади.
2030: Саноатдаги нанотехнологияларнинг оммалашуви ва натижада ҳар қандай маҳсулотни ишлаб чиқариш таннархининг пасайиши.
2031: Барча касалхоналарда инсон аъзоларини чоп этиш учун 3D принтерлар пайдо бўлади.
2032: Нанороботлар тиббий мақсадларда ишлатилади: улар ҳужайраларга озуқа моддаларини етказиб беради ва чиқиндиларни олиб ташлайди. Бундан ташқари, улар инсон миясини батафсил текширишни амалга оширади, бу сизга мия қандай ишлашини батафсил тушунишга имкон беради.
2033: Йўлларда фақат автоном автоуловлар қолади.
2034: Сунъий идрокка эга биринчи одам пайдо бўлади: Киборг-одам "У" филмидаги каби бўлади, ҳатто ундан ҳам яхшироқ.
2035: Космик технологияларнинг ривожланиши Ерни астероид таҳдидидан ҳимоя қилишга ёрдам беради.
2036: Биология соҳасидаги ютуқлар сизга 3D босиб чиқариш ёрдамида касалликларни даволаш ва янги тўқима ва органларни ўстириш учун ҳужайраларни дастурлаш имконини беради.
2037: Инсон миясининг сирларини англашдаги улкан ютуқларга эришилади.
2038: Робот-одамлар, трансгуманистик технологияларнинг пайдо бўлади. Улар қўшимча онг ва кўплаб имплантлар билан жиҳозланган бўлади - кўздаги камерадан тортиб қўшимча қўл протезларигача.
2039: Наномашиналар тўғридан-тўғри мияга жойлаштирилади ва сигналларни ҳужайралари билан тасодифий алмашиш имкониятини беради.
2040: Қидирув тизимлари инсон танасига ўрнатилган гаджетларда пайдо бўлади: қидириш фикрлар ёрдамида (сўзларни ишлатмасдан) амалга оширилади. Натижалар экранга линзалар ёки кўзойнаклар ёрдамида чиқарилади.
2041: Интернетнинг ўтказиш қобилияти бугунги кунга қараганда 500 миллион марта катта бўлади.
2042: Имкониятни тўлдирувчи ва касалликлар танасини "тозалайдиган" наноботлар армиясидан фойдаланиш билан боқий умрга эришиш мумкин бўлади.
2043: Нанороботларнинг кўплиги туфайли инсон танаси ҳар қандай шаклни олиш қобилиятига эга бўлади. Ички органлар анча яхши кибернетик қурилмалар билан алмаштирилади.
2044: Сунъий онг табиийсидан кўра миллиардлаб марта ақлли бўлади.
2045: Технологик яккаликнинг бошланиши. Ер битта улкан компютерга айланади.
2099: Технологик яккалик жараёни бутун оламга тарқалади.

Бундай прогнозларга ишониш қийин, аммо технологиянинг ривожланишининг жуда катта тезлигини ҳисобга олсак, улар амалга ошиши мумкин. “Замин” янгиликларини “Youtube”да кузатиб боринг