Канадалик олимлар коронавирус кўпайишини блокловчи препаратни топди

^{Фото: Getty Images}
Канаданинг Альберта университети олимлари COVID-19 коронавирусининг кўпайишини блокловчи дори воситасини топди. Тадқиқот натижалари Journal of Biological Chemisty илмий журнали сайтида эълон қилинди.

Маълумотларга кўра, гап Эбола безгагини даволаш учун яратилган «Ремдесивир» (RDV) дори воситаси ҳақида кетмоқда. Олимларнинг таъкидлашича, мазкур дори РНК тузилиши коронавирусникига ўхшаш Яқин Шарқ респиратор синдроми (MERS) ва SARS-CoV атипик пневомиясига қарши синовдан ўтказилган.

«Биз SARS-CoV, MERS-CoV ҳамда SARS-CoV-2’дан деярли бир хил натижаларни олдик», — дейилади тадқиқотда.

Вирусологларнинг сўзларига кўра, «Ремдесивир»ни COVID-19 касаллигини келтириб чиқарувчи SARS-CoV-2 вирусига қарши тўғридан-тўғри таъсир кўрсатувчи восита сифатида баҳолаш мумкин. Олимлар мазкур препаратни клиник синовдан ўтказиш зарурати ҳақида маълум қилган.

Янгиликлар