21:21 / 26.04.2020
1 941

Россияда коронавирусга қарши шлем яратилди (видео)

Россияда коронавирусга қарши шлем яратилди (видео)

Скриншот: YouTube
Волгоград тиббиёт илмий марказининг абилитация ва реабилитация лабораторияси олимлари COVID-19 инфекциясидан ҳимояланишга мўлжалланган «Венец-34» шлемини тақдим этди. Бу ҳақда маҳаллий нашрлардан бири V1 хабар берди.

Мазкур қурилмани яратиш устидаги ишлар 2019 йилнинг сентябрида бошланган. Дастлаб шлем мавсумий аллергиядан азият чекувчи инсонлар учун мўлжалланган. Коронавирус пандемияси тарқала бошлагач, олимлар шлемга қайта ишлов бериб, уни инфекциядан ҳимоя қилувчи қурилмага айлантирган.

Оғирлиги 1,5 килограмм келувчи шлемга хавфли материаллар киришининг олдини олувчи фильтр ва вентилятор ўрнатилган. Қўшимча равишда ингаляция, ҳавони намлантириш ва ультрабинафша нур учун модуль ўрнатиш мумкин.

«Венец-34» нархи 1000 рублни (13 АҚШ доллари) ташкил этмоқда. Шлемларнинг биринчи партияси Волгоград шифокорларига бепул тарқатилади.

Россия коронавирус шлем Венец-34
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)