22:25 / 25.07.2020
1 144

Швейцариялик олимлар антивирус жинсиларни яратди

Швейцариялик олимлар антивирус жинсиларни яратди
Фото: Wallhere
Швейцариянинг HеIQ компанияси мутахассислари матодаги вирус зарраларини йўқ қилишга қодир технология яратди. Ҳозирда ушбу ихтиро жинси матоларида муваффақиятли синовдан ўтказилган ва антивирус коллекция яратилмоқда, деб ёзади Dazed.

Ихтирочиларнинг сўзларига кўра, Viroblock номли мазкур технология устидаги ишлар 2013 йилда бошланган, пандемия эса тадқиқотларни тезлаштириб юборган.

Дастлаб махсус қопламани ҳимоя ниқобларида ишлатиш режалаштирилган, бироқ компания дизайнерлар билан бирлашиб, антивирус жинсилар коллекциясини тақдим этган.

Viroblock бу — жинсилар устига қопланган юпқа плёнка. Ихтирочиларнинг таъкидлашича, мазкур плёнка вирусларни «тутиб қолади» ва уни ярим соат ичида буткул ўлдиради.

Viroblock жинсиларини 30 мартагача ювиш мумкин. Шундан сўнг мато ўзидаги вирусларни ўлдириш хусусиятини йўқотади.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)