Мериленд университети муҳандиси Остин Прет Леонардо да Винчининг расмлари асосида дрон яратди.
Уйғониш даврининг энг буюк вакилларидан бири – италиялик рассом ва олим, ихтирочи, ёзувчи, мусиқачи Леонардо да Винчи (1452–1519 йиллар)нинг бизгача етиб келган чизмаларидаги муҳандислик ғоялари ўз давридан анча олдинлаб кетган эди. Улардан бирида буюк даҳо, ХV асрнинг 80-йиллари охирида, айланма ҳаво винти орқали ҳаракатланадиган ғайриоддий учиш аппарати эскизини чизган.
Беш аср ўтгач, Леонардо замонавий вертолётларнинг прототипини чизганлиги аниқ бўлди. Мериленд университети муҳандислари жамоаси унинг ҳисоб-китобларини текширишни ва улар асосида ишлайдиган самолётни яратишни ўз зиммасига олди. Изланишлар натижасида жамоа аъзоларидан бири Остин Прет катта муваффақиятга эришди – у Да Винчи чизган расм асосида роторли квадрокоптер дронини яратди. Crimson Spin деб ном олган ушбу учувчисиз қурилма аллақачон бир неча парвозларни амалга оширди. Ўтган ҳафта Прет Сан-Хоседаги Transformative Vertical Flight 2022 (трансформацион вертикал парвоз) йиллик конференцияси иштирокчиларига ўз лойиҳасини тақдим этди.
Crimson Spinнинг техник имкониятлари жуда оддий бўлса-да, келажакда ушбу технологиядан фойдаланган ҳолда бир ўриндиқли самолётни яратиш мумкин.
Леонардо да Винчи XV асрда ўзининг “ноу-хау”cини амалга ошириш имкониятига эга бўлмаган. Масалан, унинг ихчам электр станцияси ва мос материаллари йўқ эди. Ундан фарқли ўлароқ, Остин Прет ўз самолётини CAD тизимидан фойдаланган ҳолда лойиҳалаштирган ва алюминий, пластмасса, электр моторлар, компютерни бошқариш тизимлари ёрдамида ясаган.
Бироқ, мукаммалликка эришиш йўлида у ҳали кўплаб, хусусан, винтларнинг оғирлигини камайтириш ва қурилманинг барқарорлигини ошириш каби муаммоларни ҳал қилиши керак.
У.Йўлдошев тайёрлади
Да Винчи, Дрон, Остин Прет, Мериленд университети, Яратди “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Трампнинг ўғли Зеленский яқин орада «нафақадан» маҳрум бўлишини ёзди
Эрдўғон Туркия Исроил билан алоқаларини узганини маълум қилди
Шавкат Мирзиёев: “Фаластинлик болалар ва аёлларни беғараз даволашга тайёрмиз”
Рақобат қўмитаси биржада Аи-80 бензини бошланғич нархига чеклов ўрнатди
Иммунитетни кўтариш учун 6 та энг яхши витамин
Киев: Трамп инаугурациясигача «тинчлик режалари» ҳақидаги гаплар асоссиз
Самарқандда вояга етмаган қизни зўрлаганликда гумонланиб 8 киши ушланди
Кўкрак бези саратони сабаблари, белгилари ҳамда уни даволаш
