Ҳазм қилиш жараёнини қандай яхшилаш мумкин? Ошқозон учун фойдали бўлган 5 маҳсулот

^{Фото: Pinterest}
Ҳаракатсиз турмуш тарзи ва нотўғри овқатланиш кўпинча инсон саломатлигига салбий таъсир қилади. Мутахассисларнинг таъкидлашича, мувозанатли овқатланиш ва тўғри миқдорда оқсил, ёғ ва углеводлардан фойдаланиш ичакларнинг фаолиятини яхшилашга ва метаболизм тезлигини оширишга ёрдам беради. Harper’s Bazaar Kazakhstan нашри овқат ҳазм қилиш жараёни меъёрда бўлиши учун истеъмол қилиниши зарур бўлган энг оддий маҳсулотлар номини маълум қилди.

Қора шоколад

^{Фото: Harper’s Bazaar Kazakhstan}
Ширинликни хуш кўрувчилар учун ажойиб янгилик! Мутахассисларнинг фикрича, қора шоколад инсон саломатлиги учун фойдалидир. Шуни таъкидлашни керакки, шоколадда какао улуши қанчалик юқори бўлса, унинг фойдаси шунча юқори. «Полифенолларга бой маҳсулотларни мунтазам истеъмол қилиш ҳам қон босими ва холестерин даражасини пасайтиришга ёрдам беради», — дейди диетологлар.

Донли маҳсулотлар

^{Фото: Harper’s Bazaar Kazakhstan}
Ҳар бир уйда мавжуд бўлган бу жуда оддий, аммо тўйимли маҳсулотлар фойдали бактерияларнинг ўсиши ва фаоллигини рағбатлантирадиган пребиотикларнинг ажойиб манбаидир.

Зиғир уруғлари

^{Фото: Harper’s Bazaar Kazakhstan}
Овқат ҳазм қилиш мураккаб жараёндир. Шунинг учун ичак шиллиқ қаватини тиклашга ёрдам берадиган соғлом таомларни истеъмол қилиш керак. Мисол учун, зиғир уруғлари омега-3 нинг манбаи бўлиб, улар метаболизмни яхшилашга ёрдам беради.

Сули ёрмаси

^{Фото: Harper’s Bazaar Kazakhstan}
Кам глютенли сули ёрмаси мураккаб углеводларнинг асосий манбаи ҳисобланади. «Кўплаб бошқа ёрмалардан фарқли ўлароқ, сули ичак муаммоси бўлган одамларга ижобий таъсир ўтказади», — деб таъкидлайди диетологлар.

Кефир

^{Фото: Harper’s Bazaar Kazakhstan}
Кефир ичакдаги зарарли моддалар миқдорини камайтиришга ёрдам берадиган фойдали бактерияларнинг манбаи ҳисобланади. Бундан ташқари, оддий сутдан фарқли ўлароқ, кефир лактозани ёқтирмайдиган одамларнинг организмида ҳазм жараёнига ёрдам беради. “Замин” янгиликларини “Telegram”да кузатиб боринг