Тошкентдаги Миллий матбуот марказида 4 апрель куни уюштирилган давра суҳбати олдидан соғлиқни сақлаш вазири Алишер Шодмонов Ўзбекистон Президенти томонидан соҳа мутасаддилари олдига қўйилган вазифалар ва дори-дармон нархларини меъёрлаштириш бўйича олиб борилаётган ишлар хусусида журналистларга интервью берди, деб ёзади Дарё нашрига асосланиб "Соф.уз" нашри.
«Аҳолини дори-дармон воситалари ва тиббиёт буюмлари билан таъминлашни янада яхшилашга доир чора-тадбирлар тўғрисида»ги қарор доирасидаги ишларга тўхталар экан, вазир биринчи галда бугунги кунгача дори-дармон воситаларининг чегарадан кириб келиши, рўйхатдан ўтказилиши ва савдо-сотиқ жараёнига қўйилишида бир қатор адолатсизликлар, қонун бузилиши ҳолатларига йўл қўйиб келинганига тўхталди.
Аҳолининг дорихоналардаги юқори нархлар ва уларнинг назоратсиз қолдирилгани хусусидаги эътирозлари тегишли давлат ташкилотлари билан ўрганиб чиқилганини таъкидлади.
Ҳисоботга кўра, аҳоли ҳаёти учун биринчи галда зарур бўлган дорилар рўйхати идоралараро комиссия билан биргаликда ўрганилиб, нархларнинг оптимал варианти кўриб чиқилган.
Бош прокуратура ҳузуридаги махсус департамент ва парламент назорати, энг муҳими, жамоат назорати ўрнатилган. Ҳозирда мазкур рўйхат аҳоли эҳтиёжларини ҳар чоракда мониторинг қилган ҳолда комиссия тавсияларига асосан қайта кўриб чиқилиши айтилди.
Дунёда 10 мингга яқин асосий рўйхатга киритилган дорилар борлиги, шулардан 30—35 фоизи маҳаллий ишлаб чиқарувчилар томонидан тайёрланиши инобатга олиниб, Ўзбекистоннинг дори-дармон салоҳияти 23 фоизга ўсгани таъкидланди.
Шунингдек, лицензия бериш соҳасида янги механизм яратилгани, унда мавжуд кўплаб хато-камчиликлар бугунги кунда талабларга ўзгартиришлар киритилиши орқали тўғрилаб борилаётгани қўшимча қилинди. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Хонанда Рухшона уйланмаган йигитга турмушга чиққани ҳақида сўзлаб берди
Диний қўмита Умра зиёратини ташкил қилиш учун 12 та турфирмага лицензия берди
Халқаро жиноят суди Исроил бош вазири Нетаньяхуни ҳибсга олишга ордер берди
Дунёнинг машҳур аёллари кунни қандай бошлайди?
22 ноябрь куни Cobalt автомобилига шартнома очилиши эълон қилинди
Миллатлар лигасининг чорак финалига чиққан барча 8 жамоа номи маълум бўлди
Жосеп Боррел: “Халқаро жиноят судининг Нетаньяхуни ҳибсга олиш бўйича қарори ижро этилиши шарт”
Президент янги сайланган сенаторларнинг фаол бўлишига ишонч билдирди
