16:03 / 03.10.2017
10 074

Атир-упа саломатлик учун хавфли экан…

Атир-упа саломатлик учун хавфли экан…
Бразилиядаги Пернамбуку федерал университети олимлари ўтказган тадқиқотлар атир-упа маҳсулотлари инсон саломатлиги учун ўта хавфли эканини кўрсатиб берди.

Узоқ вақт олиб борилган изланишлардан кейин шу нарса маълум бўлдики, атир-упадан доимий тарзда фойдаланувчилар аксар ҳолатларда бош оғриғи, астма ва баданга тошма тошишидан азобланаркан. Айниқса, атир-упалар кўпроқ одамнинг мигренга йўлиқишини кафолатларкан.

Тадқиқотлар давомида атир, дезодарант ва шу каби парфюмерия маҳсулотлари фойдаланишдан сўнг 25 дақиқа ўтгач, салбий таъсир эта бошлаши кузатилди. Яъни, тадқиқотда иштирок этган кўнгиллилар ўзларини ёмон ҳис эта бошлашди. Кўпчилиги кучли бош оғриғидан шикоят қилишга тушди.

Олимларнинг айтишига кўра, атир-упа жигарни ҳам ишдан чиқаришда фаоллик кўрсатаркан. Бунга атир таркибидаги кимёвий моддалар сабабчи бўларкан.

Манба: hordiq.uz

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Саломатлик » Атир-упа саломатлик учун хавфли экан…