Фото: «YouTube»
Япон олимлари онкологик хасталикларнинг 15 турини нулдан бошлаб аниқлашнинг янги турини топишди.
«Hirotsu Bio Science Inc» компанияси бош директори Хироцу Такааки олимлар қандай қилиб нематода чувалчангларини саратонга қарши курашга жалб қилишгани ҳақида сўзларкан, нематодалардан фойдаланиш саратонни аниқлашда тезкор ва арзон, шунинг баробарида, айниқса, ошқозон ости бези саратони каби аниқлаш қийин турларини тезроқ топишда истиқболли усул бўлишини таъкидлаган.
«Ушбу усулга нематодалар (узунлиги 1 миллиметр атрофидаги думалоқ чувалчанглар)нинг кимёвий қўзғовчиларга нисбатан ҳаракатланиш реакцияси асос қилиб олинди — бу чувалчанглар ўзларига ёққан ҳид томон ҳаракатланади ва аксинча, ўзларига ёқмаган ҳиддан узоқлашади. Айтиш керакки, бу илгари онкологияда мавжуд бўлмаган мутлақо янги усулдир. Чувалчанглар бемордан олинган сийдикка яқинлашадими ёки аксинча, биз шунга қараб саратонни аниқлаймиз», — деди Хироцу Такааки.
Тадқиқотлар кўрсатишича, нематодаларга соғлом одамнинг эмас, балки саратон хасталиги бор одамнинг сийдиги «ёқаркан».
Бу усул билан 15 турдаги ўсма касалликни аниқлаш мумкин дейилмоқда. Булар: ошқозон, йўғон ичак, ўпка, кўкрак, бачадон, ошқозон ости бези, жигар, простата, қизилўнгач, тухумдонлар, ўт йўллари ва ўт пуфаги, сийдик пуфаги, буйрак, оғиз бўшлиғи ва томоқ йўллари саратони кабилар.
2019 йилнинг сентябрь ойида олинган маълумотларга кўра, нематодалар ёрдамида саратон хасталикларига 86,8 фоиз аниқликда ташхис қўйилмоқда. Эътиборли жиҳати, касалликнинг энг эрта босқичида ҳам ташхис аниқлиги 85 фоизни ташкил этган. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Кальяри” Шомуродов бўйича бир қарорга келди
Сирский Россия Донецк областида тактик ютуқларга эришаётгани ҳақида гапирди
АҚШ Ҳаага судининг Исроилга нисбатан терговига қарши чиқяпти
Тошкент вилоятидаги 6 та туманга янги радарлар ўрнатилади
Тожикистон Россияга жиддий норозилик билдирди
Тошкентда мебел цехи 1 млрд сўмлик электр энергиясидан ноқонуний фойдалангани аниқланди
Наманганда 11-синф ўқувчиси Lacetti’да икки талабани уриб юборди
Яна икки хорижий компания Ўзбекистонда пуллик автомобил йўли қуришга қизиқяпти