O‘zbekistondagi Renault avtomobillariga endi nima bo‘ladi?

^{Foto: Renault Russia}
Avvalroq Renault kompaniyasining O‘zbekistondagi taqdiri so‘roq ostida ekani haqida xabar qilingan edi.

2021 yildan beri ADM Jizzakh zavodida Renault avtomobillari ishlab chiqariladi. Biroq bu yirik uzelli yig‘ishdir – avtomobillar uchun asosiy qismlar «Reno Rossiya» zavodida ishlab chiqarilar edi.

Endi esa bu zavod Moskva hukumatiga tegishli va u yerda «Moskvich» avtomobillari ishlab chiqariladi.

Hozirda zavodning yangi rahbariyati Rossiyaning ichki bozori va eksporti uchun Renault avtomobillarini ishlab chiqarishni saqlab qolish ustida ishlamoqda. Bu haqda «Daryo»ga Renault’ning O‘zbekistondagi hamkori bo‘lgan Roodell kompaniyasi ma’lum qildi.

- Hozirgi vaziyatda barcha mumkin bo‘lgan variantlar ko‘rib chiqilmoqda. Kelgusi ishlarning aniq ssenariysi kelishib olinishi bilan ular o‘zlarining barcha hamkorlarini, jumladan, bizni ham zudlik bilan xabardor qiladilar, — deyiladi xabarda.

Kompaniyaning ta’kidlashicha, ular yechimlar izlab topilishini kutishmoqda. “Zamin” yangiliklarini “Instagram”da kuzatib boring