Kvadrat g‘ildiraklarga ega bolalar uchun mo‘ljallangan elektromobil (video)

Amerikaning Shark Wheel startapi bolalar uchun kub shaklidagi g‘ildiraklar bilan jihozlangan ikkita elektromobilini taqdim etdi. Ixtirochilarning so‘zlariga ko‘ra, bu kabi konstruksiya barcha jihatlari bo‘yicha yumaloq diskalarni ortda qoldiradi. Noodatiy transport vositasining narxi 289 dollardan 489 dollargacha baholanmoqda, deb xabar beradi Motor.

Jeep Wrangler uslubidagi dizaynga ega elektrokar 1 yoshdan 5 yoshgacha bo‘lgan bolalar uchun mo‘ljallangan. Baggiga o‘xshash mashinadan esa 2—8 yosh oralig‘idagi bolalar foydalanishi mumkin. Yangi modellarning o‘ziga xosligi — kubsimon 10 dyuymli g‘ildiraklari. Ixtirochilarning ta’kidlashicha, bu kabi g‘ildiraklar deyarli barcha yo‘nalishlarda dumaloq diskalarni ortda qoldiradi. Noodatiy g‘ildiraklardan tashqari, elektrokarlar tezlik rejimini boshqarish qurilmasi, ota-onalar uchun masofadan turib boshqarish pulti va Bluetooth bilan jihozlangan.

Mashina elektromotor va 12 voltli akkumulator yordamida harakatga keladi hamda bir marta quvvatlanish orqali 45 daqiqagacha yo‘l bosa oladi. Avtomobil batareyasini sakkiz soat ichida to‘liq quvvatlantirish mumkin.

Yosh toifasidan kelib chiqib elektrokar narxi 289—489 dollar oralig‘ida. Bundan tashqari, ixtirochilar bu kabi kubsimon g‘ildiraklar bilan skuterlar, nogironlar aravachasi va qishloq xo‘jaligi texnikalarini ham jihozlash niyatida. “Zamin” yangiliklarini “Odnoklassniki”da kuzatib boring