Kompaniya avvalroq Spark va Nexia'ni sotuvdan olib tashlagan, hech bir izohsiz Cobalt va Gentra sotuvini ham toʻxtatib qoʻygan edi. Shu tariqa, xaridorlar oldida faqat Onix varianti qoldi. Bu model uchun shartnomalar 2023 yil 31 dekabrgacha etkazib berish sharti bilan tuzilmoqda.
UzAuto Motors kompaniyasining Oʻzbekistondagi dilerlari bugun, 13 dekabrdan boshlab Damas mikroveni va Labo kichik pikapi uchun shartnomalar tuzishni toʻxtatdi.
Toshkentdagi avtosalonlardan birining xodimi Kun.uz bilan suhbatda shartnoma tuzish keyingi yildan boshlanishi kutilayotganini ma'lum qildi.
Kompaniya 8 dekabrdan Lacetti va Cobalt uchun shartnoma berishni ham toʻxtatgan edi. Har ikki holatda ham mijozlarga bu borada oldindan anons yoki keyingi izohlar berilmadi.
Avvalgi yillarda kontraktatsiya toʻxtab, narxlar oshgan holda qayta ochilgani xaridorlarning narx oshishi borasidagi xavotirlariga sabab boʻlmoqda.
Oʻtgan oylarda Spark va Nexia avtomobillari ishlab chiqarishdan olingan, natijada ayni paytda mijozlar faqat yangi Onix modeli uchun shartnoma qilishi mumkin.
“UzAutoSavdo” ilovasiga koʻra, Onix uchun navbat 5300ta avtomobilni tashkil etadi. Shartnomalar 2023 yil 31 dekabr sanasiga qadar avtomobil etkazib berish sharti bilan tuzilmoqda.
Eslatib oʻtamiz, kompaniya 2023 yilda Cobalt va Damas ishlab chiqarishni oshirib, Gentra ishlab chiqarishni toʻxtatishini ma'lum qilgan. “Zamin” yangiliklarini “Telegram”da kuzatib boring
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
