23:35 / 13.08.2016
10 194

Toshkentda taksi avtomobili bilan mudhish YTH sodir bo‘ldi

Toshkentda taksi avtomobili bilan mudhish YTH sodir bo‘ldi
13 avgust kuni Toshkentning Farhod dehqon bozori qarshisidagi Farhod ko‘chasida mudhish yo‘l-transport hodisasi qayd etildi. Nexia rusumidagi taksi avtomobili ishtirokidagi mazkur YTH haqida ijtimoiy tarmoqlardagi “Voditeli Tashkenta” guruhi a’zolari xabar berdi, deb yozmoqda “Qalampir.uz” sayti.

Ijtimoiy tarmoq foydalanuvchilarining ma’lum qilishicha, voqea soat 06:00 atrofida sodir bo‘lgan. Taxmin qilinishicha, taksi avtomobili Farhod ko‘chasi bo‘ylab eng kamida soatiga 120 km tezlikda harakatlanib kelayotgan bo‘lgan. Uning yonida ketayotgan Cobalt avtomobili esa Nexia’ni quvib o‘tishga harakat qilib, yo‘lini to‘sgan. Muvozanatni yo‘qotgan avtomobil yo‘l chetidagi beton to‘siqlarga urilib, so‘ng ag‘darilgan. Qattiq zarb natijasida katta beton to‘siqlar ham joyidan siljib, yonboshlab qolgan.

Guvohlarning xabar berishicha, Nexia haydovchisi Shahar tez tibbiy yordam klinik shifoxonasiga etkazilgan. Aytilishicha, uning mashinasida katta miqdorda pul bo‘lgan. YTH oqibatida pullar yo‘l sochilib ketgan. Shu mahal yo‘l chetiga Spark avtomobili to‘xtaydi. Ichidagi haydovchi yo‘lga sochilgan pullarni yig‘ib, ko‘zdan g‘oyib bo‘ladi.

YTH oqibatida hech kim halok bo‘lmagan. Haydovchining hozirgi ahvoli haqida aniq ma’lumotlar yo‘q.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Avto » Toshkentda taksi avtomobili bilan mudhish YTH sodir bo‘ldi