![O‘zbekistonda BYD'ning B, C va budjet segmentidagi avtomobillari ishlab chiqariladi](/uploads/posts/2024-07/x709a455573_bp-vttoa7z_.webp.pagespeed.ic.SOplXLn50-.webp)
Foto: Prezident matbuot xizmati
Shavkat Mirziyoyev Jizzax viloyatidagi BYD Uzbekistan Factory zavodida amalga oshirilayotgan ishlar va galdagi vazifalar haqida hisobot bilan tanishdi. Bu haqda Prezident matbuot xizmati xabar berdi.
Mazkur korxona shu yil 27 iyun kuni davlat rahbari ishtirokida ishga tushirilgan edi. U BYD yengil avtomobillarini ishlab chiqaruvchi Xitoydan tashqaridagi ilk zavod bo‘ldi. Bugungi kunda BYD yangi energiya manbalarida harakatlanuvchi avtomobillar – elektromobillar va gibridlarni ishlab chiqarish va sotish bo‘yicha dunyoda yetakchi kompaniya hisoblanadi.
“O‘zavtosanoat” aksiyadorlik jamiyati boshqaruvi raisi mazkur investisiya loyihasining dastlabki natijalari va uni kengaytirishga qaratilgan rejalar to‘g‘risida axborot berdi. Qayd etilganidek, to‘liq ishlab chiqarish jaryonini ishga tushirish doirasida O‘zbekiston korxonalari tomonidan plastik qismlar, oynalar, bamperlar, disklar va boshqa ko‘plab komponentlar ishlab chiqarilishi bo‘yicha BYD sifat tizimiga mos kelishi uchun tahlil o‘tkazildi.
Aholining yengil avtotransport vositalariga bo‘lgan ehtiyojini qondirish va ularning turlarini kengaytirish maqsadida xitoylik hamkorlar bilan V, S va budjet avtomobillari segmentidagi avtomobillar ishlab chiqarish bo‘yicha kelishuvlarga erishildi. Ularning birinchi namunalari xitoylik hamkorlar tomonidan zamonaviy standartlashtirish tizimi sinovlarini o‘tkazish uchun laboratoriyalarga topshirildi.
Shuningdek, zamonaviy texnologiya va standartlarni nafaqat ishlab chiqarish, balki savdo, servis va kafolat yo‘nalishlarida ham tatbiq etish masalasi dolzarb bo‘lib qolmoqda. Bu sifatsiz mahsulot chiqarilishining oldini oladi hamda avtotransportga yuqori sifatli servis va kafolatli xizmat ko‘rsatilishini ta’minlaydi.
BYD bilan hamkorlik mahalliy kadrlarni tayyorlash va ularning malakasini oshirishni ham o‘z ichiga oladi. Jizzaxdagi “BYD Uzbekistan Factory” kompaniyasiga malakali mutaxassislarni jalb qilish maqsadida Jizzax politexnika instituti va Toshkentdagi Turin politexnika universiteti bilan birgalikda yuqori malakali mutaxassislarni o‘qitish bo‘yicha muhandislik o‘quv markazini tashkil qilish rejalashtirilgan.
Taqdimotda ishlab chiqarish hajmini belgilangan ko‘rsatkichlarga yetkazish hamda mahalliylashtirish jarayonini jadallashtirish chora-tadbirlari ko‘rib chiqildi.
Davlat rahbari “BYD Uzbekistan Factory” qo‘shma korxonasi quvvatlarida ishlab chiqarishni tezlashtirish, hamkorlikning keyingi bosqichlari bo‘yicha strategiya ishlab chiqish, kelgusida ishlab chiqarish quvvatini yillik 500 ming donaga yetkazish va eksport bozorlariga chiqish bo‘yicha aniq vazifalarni qo‘ydi. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
![Messi Amerika Kubogi haqida: "So‘nggi finallar oldidan qarta o‘ynab, kech uxlaganmiz" расм](/uploads/posts/2024-07/x1152f14ee6_796315_680.webp.pagespeed.ic.ZD2SmFVj3X.webp)
Messi Amerika Kubogi haqida: "So‘nggi finallar oldidan qarta o‘ynab, kech uxlaganmiz"
![Selderey, sabzi va qand miqdorini oshiruvchi kutilmagan boshqa mahsulotlar расм](/uploads/posts/2024-07/xa1b47cb871_6695151e66faa.webp.pagespeed.ic.M575loXEDI.webp)
Selderey, sabzi va qand miqdorini oshiruvchi kutilmagan boshqa mahsulotlar
![Afg‘onistonda energetik ichimliklar suv va choy o‘rnini egallamoqda расм](/uploads/posts/2024-07/x8afaeed1a8_photo_2024-07-15_12-44-23-osnygi2k.webp.pagespeed.ic.4kXldyOuZu.webp)
Afg‘onistonda energetik ichimliklar suv va choy o‘rnini egallamoqda
![Turkiyada millionlab uysiz itlardan qutulishni istashmoqda расм](/uploads/posts/2024-07/xe1195ee092_hkxbaryv63jedd7cibdj1hoxu5kdabuj.webp.pagespeed.ic.6QQx-k7TkL.webp)
Turkiyada millionlab uysiz itlardan qutulishni istashmoqda
![Suzishning muhim foydalari haqida ma’lumot berildi расм](/uploads/posts/2024-07/x4e2e3c1ef4_51bf67d0c48f598aa39897902c418dc1.webp.pagespeed.ic.aYiMo7xXt5.webp)
Suzishning muhim foydalari haqida ma’lumot berildi
![FTB: Trampga o‘q uzgan shaxs yolg‘iz o‘zi harakat qilgan расм](/uploads/posts/2024-07/x13ddcb3b14_19auwujglrawh936geh2npgu_wx0lzax.webp.pagespeed.ic.dRBZX-79rv.webp)
FTB: Trampga o‘q uzgan shaxs yolg‘iz o‘zi harakat qilgan
![Trampga uyushtirilgan suiqasd haqida nimalar ma’lum? расм](/uploads/posts/2024-07/x32376218f0_photo_2024-07-14_09-55-52-uulvfg3k.webp.pagespeed.ic.TonB9VaOuB.webp)
Trampga uyushtirilgan suiqasd haqida nimalar ma’lum?
![AQSHning 45-prezidentiga suiqasd qanday kechdi? (foto) расм](/uploads/posts/2024-07/x3b9fec87b0_photo_2024-07-14_15-46-11-ssbov3xl.webp.pagespeed.ic.mr3KJfLBMC.webp)
AQSHning 45-prezidentiga suiqasd qanday kechdi? (foto)