Xitoyning yirik avtomobil ishlab chiqaruvchisi BYD kompaniyasi Yevropa bozorida o‘z o‘rnini mustahkamlash maqsadida mahalliy ishlab chiqaruvchilar bilan muzokaralar olib borayotganini tasdiqladi. Kompaniya vakillari Italiya va boshqa Yevropa davlatlaridagi mavjud zavodlarni sotib olish yoki ularning ishlab chiqarish quvvatlaridan foydalanish imkoniyatlarini ko‘rib chiqmoqda. Bu haqda Ixbt.com xabar beradi.
BYD rahbariyati yangi zavodlarni noldan qurish o‘rniga, tayyor infratuzilmadan foydalanish jarayonni sezilarli darajada tezlashtirishini ta’kidlamoqda. Bloomberg agentligi ma’lumotlariga ko‘ra, muzokaralar nafaqat Stellantis, balki boshqa yirik Yevropa avtokonsernlari bilan ham davom etmoqda.
Kompaniya hozircha bitimlarning tafsilotlari va muzokaralarning qaysi bosqichda ekanligi haqida aniq ma’lumot bermadi. Shunga qaramay, BYD Yevropa bozori uchun maxsus ishlab chiqilgan yangi modellar qatorini tayyorlamoqda.
Kelgusi uch yil ichida BYD o‘zining Yevropadagi mahsulotlar portfelini sezilarli darajada kengaytirishni rejalashtirmoqda. Xususan, kelgusi oyda Yevropa bozori uchun maxsus yaratilgan Dolphin G gibrid modelining taqdimoti kutilmoqda.
“Zamin”ni Telegramʻda oʻqing!
