23:59 / 29.09.2016
8 001

Parijda BMW X2 prototipi debyut qildi

Parijda BMW X2 prototipi debyut qildi

BMW kompaniyasi yangi kompakt krossoverning konseptini namoyish etdi. X2 nomini olgan prototip Parij avtosalonida debyut qildi. Bu haqda "Carzone.uz" xabar berdi.

BMW konsept-karning hech bir texnik tafsilotini ma’lum qilganicha yo‘q. Autocar nashrining xabar berishicha, X2’ning gabarit uzunligi 4439 millimetrni, eni 1821 millimetrni, balandligi esa 1598 millimetrni tashkil etadi. Shunday qilib, yangi mashina uzunligi va eni bo‘yicha so‘nggi avlod X1 modeli bilan qariyb bir xil, biroq bo‘yi 14 millimetrga pastroq.

BMW X2’ning seriyalab ishlab chiqariladigan versiyasi nemis kompaniyasining old-uzatmali UKL platformasida tayyorlanadigan ikkinchi krossoveri bo‘ladi. Bu shassidan MINI, shuningdek, X1 va 2-Series Active Tourer modellarida ham foydalanilmoqda.

2018 yil ikkinchi choragida boshlanadigan ommaviy ishlab chiqarish davrida X2 hajmi ikki litrli, quvvati 191 ot kuchiga ega benzinli, shuningdek, 150, 190 va 230 ot kuchiga dizelli 2.0 dvigatellarda taklif qilinadi. Xaridorlarda olti bosqichli mexanik yoki avtomat uzatmalar qutisida ishlaydigan mashina tanlash imkoni bo‘ladi.

Ham old, ham orqa uzatma bilan sotiladigan modelning “kuchaytirilgan” M Performance versiyasi chiqarilishi ehtimoli ham yo‘q emas. Bunday to‘plamdagi mashinaga quvvati 300 ot kuchiga teng, hajmi ikki litr bo‘lgan turbomotor o‘rnatilishi kutilmoqda.

BMW rahbariyati X2 ishlanmasini 2015 yil mayida tasdiqlagan edi.

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Avto » Parijda BMW X2 prototipi debyut qildi