1 iyundan haydovchilarga jarima ballari qo'llaniladi

O'zbekiston Respublikasi Vazirlar Mahkamasi 2025 yil 1 iyundan boshlab haydovchilar uchun jarima ballari tizimini joriy etish haqida qaror qabul qildi, deb Kursiv.uz xabar berdi. Hujjat Lex.uz saytida e'lon qilingan.

Yangi tizimga ko'ra, haydovchilarga yo'l harakati qoidalarini buzganlik uchun quyidagicha ballar beriladi:

• Davlat raqam belgilarisiz harakatlanish — 1 ball
• Signal ovozini o'zgartirish — 0,2 ball
• Tezlikni oshirish — 0,5 dan 2 ballgacha
• Xavfli haydash — 1,5 ball
• Qoidalarga zid ravishda quvib o'tish — 1 ball

Agar haydovchi bir yil ichida 12 yoki undan ortiq ball to'plasa, unga nisbatan ma'muriy bayonnoma tuziladi. Agar 6 oy davomida hech qanday qoidabuzarlik sodir etilmasa, 2 ball hisobdan olib tashlanadi.

Ma'lumotlarni E-jarimaball mobil ilovasi, rasmiy sayt va davlat xizmatlari portali orqali tekshirish mumkin bo'ladi. Har bir ball qo'shilganda haydovchilarga SMS-xabarnoma yuboriladi. “Zamin”ni Telegramʻda oʻqing!