Yaponiyaning Toyota kompaniyasi 2025 yil uchun ishlab chiqilgan, to‘liq elektromobil va 4-darajali avtonom haydash tizimiga ega yangi modelini taqdim etdi. Kompaniyaning aytishicha, ushbu mashina bir marta quvvatlanganda 800 kilometrgacha yo‘l bosib o‘ta oladi.
Yangi elektromobilda sun’iy intellekt asosidagi navigatsiya va harakat xavfsizligi tizimlari o‘rnatilgan. U haydovchisiz harakatlana oladi, to‘sqinliklarni aniqlab, avtomatik tarzda yo‘nalishini o‘zgartiradi. Bu texnologiya ayniqsa shahar ichida harakatda vaqt va energiya tejashni ta’minlaydi.
Toyota 2025 yil oxirigacha ushbu modelni Yaponiya va AQSH bozorida sotuvga chiqarishni rejalashtirgan. Kompaniya kelgusi yillarda Yevropaga ham eksport qilish niyatida. Mutasaddilarning ta’kidlashicha, bu model elektr transport vositalari bozorida jiddiy raqobatchiga aylanishi mumkin.
“Zamin”ni Telegramʻda oʻqing!
