Parizoda 39 yoshini va to‘yining 16 yilligini nishonlamoqda (video)

Raqqosa Parizoda bugun, 19 sentyabr kuni o‘zi uchun ikki karra bayram ekanini ma’lum qildi. U ayni sanada tug‘ilgan kunini nishonlayotgan bo‘lsa, bundan 16 yil avval ham shu kuni turmush qurgan.

San’atkor ushbu quvonchli sanalar munosabati bilan ijtimoiy tarmoqdagi sahifasida nostaljik video bilan bo‘lishdi. U videoga izoh qoldirib, bugun uning hayotidagi ikki muhim sana bir kunga to‘g‘ri kelishini ta’kidlagan.

“Nostalgiya. Bugun to‘y kunimizga 16 yil bo‘libdi. Bugun ikkita qo‘sha bayram — tug‘ilgan kunim va to‘y kunimiz”, — deya yozgan Parizoda.

Shunday qilib, raqqosa bugun 39 yoshini qarshi olayotgan bo‘lsa, oilaviy hayotining 16 yilligini ham nishonlamoqda. Parizodaning kuzatuvchilari esa uni har ikki sana bilan tabriklab, samimiy tilaklarini bildirishmoqda.