Bugun, 5 fevral kuni Axborot va ommaviy kommunikatsiyalar agentligida «Avtomobil sanoati: kechagi kun va istiqbollar» mavzusida matbuot anjumani tashkil etildi. Ushbu matbuot anjumanida «O‘zavtosanoat» AJ vakillari tizimdagi yangiliklar haqida ma’lumot berdi, deb xabar berdi «Daryo» nashri.
«O‘zavtosanoat» AJ 2019 yildan boshlab yangilangan Cobalt avtomobilini ishlab chiqarishni rejalashtirgan edi. Biroq kompaniya ushbu qaroridan voz kechdi. Bu haqda «O‘zavtosanoat» AJ raisi o‘rinbosari Aziz Shukurov ma’lum qildi.
«Yangi Cobalt unchalik ham yangi emas. GM’ning o‘zida, Braziliyada ushbu loyiha 2016 yilda amalga oshirilgan edi. O‘zbekistonda joriy yilning oxirida Cobalt ishlab chiqarish to‘xtatiladi. Biz eski avtomobil modellarini ishlab chiqarish to‘g‘ri emas, degan xulosaga keldik. Shunday qilib, yangilangan Cobalt ishlab chiqarish bo‘yicha rejamizni bekor qilamiz», — deydi Aziz Shukurov.
Foto: «Daryo»/Aziz Shukurov
Aziz Shukurovning aytishicha, «O‘zavtosanoat» ishlab chiqarilishi to‘xtatilgan Captiva avtomobili o‘rniga ikki turdagi krossover ishlab chiqarishni rejalashtirmoqda.
«Biz yangi paltformani o‘zlashtiramiz. Captiva ishlab chiqarishni to‘xtatdik. Uning o‘rniga 2019 yilning uchinchi choragida ikki turdagi yangi avtomobil ishlab chiqara boshlaymiz. Bundan tashqari, biz modellar qatorini yangilash borasida ham muzokaralar olib bormoqdamiz», — deydi «O‘zavtosanoat» raisi o‘rinbosari.
Aziz Shukurov, shuningdek, «O‘zavtosanoat» AJ yangi investitsion loyihalarni amaliyotga tatbiq etishni rejalashtirayotganini ham ma’lum qildi.
«Avvallari biz GMning ishlab chiqarilgan modellarini O‘zbekistonga olib kelib, yig‘ardik. Bizning modellar qatorimiz o‘rta hisobda 9—10 yil ishlab chiqarilardi. Bu juda katta muddat. Hozirda esa modellar har 3—5 yilda o‘zgaryapti. Shuning uchun biz GM’dagi hamkorlarimiz bilan kelishib oldik: Yangi investitsion loyihalarni tatbiq etamiz. Kelgusi uch yil davomida esa Asaka zavodidagi modellar qatorini yangilaymiz», — deydi Aziz Shukurov. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Medvedev: Maxsus harbiy operatsiya uchun qurollarning aksariyati Rossiyada ishlab chiqariladi
BAAda isroillik ravvin o‘ldirib ketildi
Bosh vazir yordamchisi va uning akasi ishdan olindi
Respublikada bo‘lishi nomaqbul deb topilgan shaxslarning ro‘yxati shakllantiriladi
Primorsk o‘lkasi O‘zbekiston bilan turizm sohasida hamkorlikni yanada kengaytirmoqchi
Ukraina elchisi: “Rossiya armiyasi Odessa va Nikolayevni bosib olishiga Turkiya to‘sqinlik qilgan”
Milliarder Stiv Jobsning dunyoqarashingizni o‘zgartirib yuboradigan odatlari
Qirg‘iziston aholisi soni e’lon qilindi
