Soʻnggi paytlarda ijtimoiy tarmoqlarda va turli veb-saytlarda deputatlar tomonidan birinchi oʻqishda qabul qilingan “Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi qonun loyihasi koʻplab muhokamalarga sabab boʻlmoqda. Qonun loyihasi bilan transport vositalari uchun utilizatsiya yigʻimi joriy etishni koʻzda tutuvchi qoʻshimchalar kiritilmoqda.
Qonun loyihasi Oliy Majlis Qonunchilik palatasidagi Oʻzbekiston “Adolat” SDP fraksiyasi yigʻilishida ham koʻrib chiqildi va koʻplab bahs-munozaralarga sabab boʻldi, deb xabar qilmoqda “Adolat” SDP matbuot xizmati.
Fraksiya aʼzolari Qonun loyihasining konsepsiyasini, xususan, ekologik xavfsizlikni taʼminlash, fuqarolar salomatligi va atrof-muhitni transport vositalarning isteʼmol xususiyatlarini yoʻqotish oqibatida vujudga kelgan chiqindilarning zararli taʼsiridan himoya qilish maqsadida ishlab chiqilganini toʻla qoʻllab-quvvatlashlarini bildirishgan. Faqatgina aholi manfaatlaridan kelib chiqqan holda ushbu toʻlovlardan tushgan mablagʻlarning sarflanish mexanizmi toʻliq ochib berilmagani, yigʻimning joriy etilishi import qilinayotgan va mahalliy avtomobillar narxiga taʼsiri boʻyicha qonun tashabbuskorlariga savollar bilan murojaat etishgan.
- Mazkur toʻlovlarning joriy qilinishi xalqimiz va isteʼmolchilarni oʻylantirayotganidek, narxlar oshishiga olib kelmaydi – dedi “Oʻzavtosanoat” AK vakili Rustam Qodirov. – Bu yigʻimni mahalliy avtomobil ishlab chiqaruvchilarimiz lokalizatsiyani kengaytirish, ichki zaxiralarni ishga solish orqali oʻz boʻyniga oladi. Xorijda ishlab chiqarilgan avtomobillar uchun ham alohida yondashilmoqda. Jumladan, hozirda Vazirlar Mahkamasining qarori loyihasi tayyorlangan boʻlib, unga koʻra mamlakatimizga import qilinayotgan avtomobillarga davlat boji stavkalari ikki baravarga tushirilishi rejalashtirilmoqda. Bundan koʻrinib turibdiki, utilizatsiya yigʻimini joriy etish oʻzimizda ishlab chiqarilayotgan va import qilinayotgan avtomobillar narxiga hech qanday taʼsir qilmaydi.
Fraksiya aʼzolari qonun loyihasidagi boshqa bir qator masalalarni ikkinchi oʻqishgacha toʻgʻrilash boʻyicha oʻz taklif va tavsiyalarini berishdi va qonun loyihasi konseptual jihatdan qoʻllab-quvvatlandi, deyiladi xabarda. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Xalqaro jinoyat sudi Isroil bosh vaziri Netanyaxuni hibsga olishga order berdi
Turkiya o‘zining birinchi kvant kompyuterini taqdim etdi
Josep Borrel: “Xalqaro jinoyat sudining Netanyaxuni hibsga olish bo‘yicha qarori ijro etilishi shart”
Metabolizm sekinlashganining belgilari
Husiylar Isroil aviabazasiga gipertovushli raketa bilan zarba berdi
Superliga. OKMK safarda "Paxtakor"ni mag‘lub etdi va 11 yillik qora an’anaga chek qo‘ydi
Har payshanba jismoniy tarbiya va sport kuni sifatida belgilanadi
