Foto: «Skoda-avto.ru»
Jizzakh Auto (Volkswagen Uzbekistan) kompaniyasi VAG konserni lineykasidagi ikkinchi brend — Skoda’ni O‘zbekiston bozoriga chiqarmoqda. Bu haqda Telegram’dagi «Na begu» kanali muallifi Malik Karimov ma’lum qildi.
Avvalroq zavod Volkswagen Caddy tijoriy avtomobillarini sotishni boshlagan edi. Skoda lineykasidagi birinchi avtomobil modeli 2021 yilining yetti o‘rindiqli Kodiaq krossoveri bo‘ladi.
Ta’kidlanishicha, avtoulovlarga oldindan buyurtma oktabr oyida ochiladi va yetkazib berish shu oydan boshlanadi. Toshkentda ikkita dilerlik markazining ochilishi kutilmoqda.
Foto: «Skoda-avto.ru»
«Menga ma’lum bo‘lishicha, mashinalar narxi qo‘shni davlatlarga yoki Rossiyaga qaraganda arzonroq bo‘ladi, keling rasmiy ma’lumotni kutib qolaylik», — dedi Malik Karimov.
Kompaniyaning «Gazeta.uz»ga aniqlik kiritishicha, Skoda Kodiaq Rossiyaning Kaluga shahridagi «Grabsevo» texnoparkida joylashgan Volkswagen Group Rus zavodidan yetkazib beriladi. Rossiyada avtomobil narxi komplektatsiyasiga qarab 21,5 mingdan 41,3 ming dollargacha o‘zgarib turadi.
Prezident qaroriga ko‘ra, birinchi bosqichda — 2020−2021 yillarda Volkswagen va Skoda avtomobillarini tayyor holda olib kirish rejalashtirilgan. Farg‘ona, Toshkent va Jizzaxda dillerlik va xizmat ko‘rsatish tarmoqlari ishga tushiriladi. Ikkinchi bosqichga ko‘ra, 2022 yildan boshlab to‘liq ishlab chiqarish sikli tashkil qilinadi va investitsiyalar hajmi, avtomobil eksporti masalalari ham hal qilinadi.
Eslatib o‘tamiz, 21 avgust kuni Prezident Shavkat Mirziyoyev Volkswagen, Skoda va Isuzu avtomobillari bilan tanishgandi. Ular orasida Kodiaq ham bor edi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Messi “dahshatli” ko‘rsatkich qayd etdi (video)
Rossiyada amerikalik askar o‘g‘rilikda ayblanib qo‘lga olindi
G‘azo aholisi HAMASning tinchlikka erishish yo‘lidagi qarorini nishonlash uchun ko‘chalarga chiqdi
Osvensimda minglab yahudiylar «Tiriklar marshi» aksiyasini o‘tkazdi
2024 yil yozida Ukrainadagi urush va Rossiyaning yurishi qanday bo‘ladi?
Poroshenko Rossiyada qidiruvga berilganiga javob qaytardi
Germaniyada Gebbelsning villasi istalgan odamga berib yuborilishi e’lon qilindi
Shomurodov navbatdagi uchrashuvda antiqa rekord o‘rnatadi