Foto: The Sun
The Times nashri 2022 yil uchun Buyuk Britaniyaning eng boy odamlarini e’lon qildi. Unga ko‘ra Alisher Usmonov top-10 talik ro‘yxatdan chiqib ketdi.
Usmonov 2021 yil bu ro‘yxatda 6-o‘rinni egallagan edi. Tadbirkorning boyligi 2022 yilda AQSH va Yevropa sanksiyalari tufayli 3,4 mlrd funtga qisqarib, 10 mlrd funtga tushib ketgan. Shu tariqa Alisher Usmonov bu ro‘yxatda 11-o‘rinni egalladi.
«Chelsi» futbol klubining sobiq rahbari Roman Abramovich 28-o‘rinda qayd etilgan. O‘tgan yili Abramovich 8-o‘rinda qayd etilgan edi. Tadbirkor yil boshidan beri 6 mlrd funtdan ziyod mablag‘ yo‘qotib, 20 pog‘ona pastlagan.
Sanksiyalar va Usmonov
Alisher Usmonov 28 fevral kuni, Ukrainada urush boshlanganidan to‘rt kun o‘tib, Yevropa Ittifoqining sanksiyalari ro‘yxatiga tushgan edi.
Keyinchalik milliarder Xalqaro qilichbozlik federatsiyasi prezidenti lavozimini tark etishga majbur bo‘lgandi.
Biroz vaqt o‘tib Angliyaning «Everton» futbol klubi ham Usmonovga bog‘liq bo‘lgan kompaniyalar bilan hamkorlik qilishni to‘xtatadi.
Bundan tashqari, klub USM Holding kompaniyasi bilan 15 million dollarlik nom berish huquqi bo‘yicha kelishuvini bekor qildi.
Germaniya hukumati esa Yevropa Ittifoqi sanksiyasiga uchragan milliarderning 156 metrlik «Dilbar» yaxtasini xatlovga oldi. Usmonovga tegishli yaxta bir necha kun o‘tib ekipaj xodimlarisiz qoldi.
May oyi boshida esa Alisher Usmonov Yevropa Ittifoqi tomonidan joriy etilgan sanksiyalar ro‘yxatiga tushgani bo‘yicha apellyatsiya berdi. Tadbirkor qaror chiqmaguncha sanksiyalarni to‘xtatib turishni so‘ragan.
19 may kuni esa milliarder Alisher Usmonov va badiiy gimnastika bo‘yicha Rossiya terma jamoasi bosh murabbiyi Irina Viner-Usmonova ajrashishga qaror qildi. Moskvaning Krilatskoye tumani sud okrugi sudyasi bu masalani 7 iyun kuni ko‘rib chiqadi.
Alisher Usmonov 1953 yil 9 sentabrda Namanganda, Irina Viner-Usmonova esa 1948 yil 30 iyulda Samarqandda tug‘ilgan. Ular 1992 yilda oila qurgan edi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
AQSH Isroilning ikki vaziriga sanksiya qo‘llamoqchi
Borrel YEIning Isroil bilan muloqotini to‘xtatishni taklif qildi
Rossiya armiyasi Kupyanskka kirgani aytilmoqda
Erdo‘g‘on Turkiya Isroil bilan aloqalarini uzganini ma’lum qildi
AQSH harbiylari orasida o‘z joniga qasd qilish ko‘paydi
Har qanday katta yoshdagi kishi yetuk emas
Yaxshi pishgan va mazali anor tanlashga yordam beradigan tavsiyalar
