Xorijda qancha o‘zbekistonlik mehnat qilayotgani ma’lum qilindi

AOKAda Bandlik va mehnat munosabatlari vazirligi va Tashqi mehnat migratsiyasi agentligi mutasaddilari ishtirokida «O‘zbekistonda xavfsiz, tartibli va qonuniy mehnat migratsiyasi borasida olib borilayotgan islohotlar» mavzusida matbuot anjumani bo‘lib o‘tdi. Unda mamlakatdagi ishsizlar soni ma’lum qilindi.

Tahlillarga ko‘ra, xorijda vaqtinchalik mehnat faoliyatini amalga oshirayotgan mehnat migrantlari soni 2022 yil 1 mart holatiga o‘rtacha 2,4 million kishini (2 356 954 kishi) ularning 568,5 ming (24,1 foiz) nafarini xotin-qizlarni, 827,1 ming (35,1 foiz) nafarini yoshlar tashkil etadi.

Ularning 1,5 million nafari Rossiya, 366,3 ming nafari Qozog‘iston, 144,7 ming nafari Turkiya, 47,4 ming nafari Janubiy Koreya va 348,1 ming nafari boshqa davlatlar hisobiga to‘g‘ri keladi. “Zamin”ni Telegramʻda oʻqing!